U ekstradua një javë më parë nga Turqia për llogari të drejtësisë shqiptare ku është i dënuar me 25 vite burg si bashkëpunëtor në vrasjen e deputetit Azem Hajdari në vitin 1998, Izet Haxhija depoziton në gjykatë kërkesën për riçelje të gjyqit të zhvilluar ndaj tij.<br /><br />Depozitimi kërkesës konfirmohet si nga avokati i Haxhisë ashtu edhe nga sekretaria e gjykatës penale në Tiranë.<br /><br />Pas depozitimit kjo kërkesë pritet të hidhet në short për të caktuar gjyqtarin para të cilit Haxhija do të jetë përballë për të renditur argumentet e tij përse duhet të rigjykohet.<br /><br />Sipas gjykatës penale, Haxhija ka bërë kërkesë edhe për rivendosje në afat të dënimit 25 vjeçar dhënë në mungesë ndaj tij si dhe rihapje të procesit.<br /><br />Ndër argumetnet e përdorura nga Haxhija është gjykimi i padrejtë i tij dhe manipulimi i fakteve dhe provave që rëndojnë ndaj tij.<br /><br />Izet Haxhija sipas vendimit të publikuar ekskluzivisht nga Report TV pak ditë më parë akuzohet si i përfshirë në tre episode për vrasjen e kryer në bashkëpunim të Azem Hajdarit.<br /><br />Sipas prokurorisë Haxhija është takuar një ditë para vrasjes në afërsi të Hotel Dajtit më 11 shtator 1998 me grupin e mbërritur nga Tropoja për vrasjen e Hajdarit.<br /><br />Po ashtu edhe më datë 12 shtator ka qenë në furgonin e policisë së komisariatit të Tropojës para dhe pas vrasjes së Hajdarit.
