http://www.vizionplus.tv<br />https://facebook.com/VizionPlusTV<br />https://instagram.com/vizionplustelevizion<br />https://twitter.com/VizionPlusTV<br />Menjëherë pasi partia demokratike zbuloi identitetin e ?dëshmitarit X?, Prokuroria e Krimeve të Rënda e mori atë në pyetje lidhur me deklarimet e dhëna gjate intervistimit. Ndonëse diçka e tillë nuk konfirmohet zyrtarisht burimet i thanë Vizion Plus se Veliu është marrë në pyetje mbi audio përgjimin por edhe rreth fakteve të pretenduara prej tij në intervistimin e bërë nga partia demokratike.<br /><br /> <br /><br />Kjo pasi gjatë deklarimeve ka dyshime mbi vërtetësinë pasi ai tregon pendesën pas burgut dhe më pas shton se sërish tentonte që të eksportonte drogë në Itali.<br /><br /> <br /><br />Gjatë rrëfimit ai pretendon se ka punuar për Agron Xhafajn në vitin 2000. Pas kësaj deklaron se ka prishur marrëdhëniet me Agron Xhafajn nga burgosja e parë në vitin 2005 e në fund shton se ka bashkëpunuar me vëllain e ministrit në vitin 2016.<br /><br /> <br /><br />Pas deklarimeve të dhëna në prokurori Veliu është lënë i lirë ndërsa ende nuk dihet nëse ka marrë mbrotje policore.<br /><br /> <br /><br />Nga të dhënat e policisë 51-vjeçari Albert Veliu njihet si një trafikant droge i dënuar me burg disa herë, si nga drejtësia shqiptare ashtu edhe ajo italiane. Sipas dosjes italiane ai u arrestua në Peskara më 24 mars 2009 nga Policia, në bazë të një urdhërarresti për trafikimin e 10 kilogramëve heroinë dhe një pistolete. Heroina u zbulua në vitin 2008 dhe ai u arrestua pas një viti së bashku me 15 bashkëfajtorë të tjerë.<br /><br /> <br /><br />Në të vërtetë, Veliu nuk u dënua me 11 vite siç pretendon, por dënimi për të ishte 5 vjet, me vendim të Gjykatës së Peskaras, më 7 janar 2011. Albert Veliu e vuajti dënimin në Itali deri në gusht 2013, kur u ekstradua drejt Shqipërisë pasi akuzohej dhe për trafik makinash. Gjykata e Vlorës në vitin 2008 e kishte dënuar me 3 vite burg për trafik makinash ndërsa më herët në vitin 2006 u arrestua nga policia për falsifikim patente.
