Subscribe në Ora News këtu http://bit.ly/1s5j7UT<br /><br />Opozita e bashkuar ka thirrur shqiptarët në protestë kombëtare me 26 maj për rrëzimin e qeverisë së kryeministrit Edi Rama.<br /><br />Ftesën e adresoi nga selia blu kreu i PD-së, Lulzim Basha , përkrah aleatëve të tij me të cilët më herët patën një takim.<br /><br />Basha tha se nuk mund të ketë negociata me një qeveri të lidhur me krimin dhe drogën.<br /><br />Basha: Opozita e bashkuar i fton të gjithë qytetarët shqiptarë, demokratë e socialistë të bashkohemi në protestën më të madhe kombëtare për të larguar pengesën e vetme për Shqipërinë europiane, qeverinë e lidhur me krimin. Ju ftojmë të protestojmë për largimin nga pusheti dhe çdo hallke shteti të atyre që ndihmojnë kriminelët nga Agron Xhafaj tek Habilajt dhe Balilajt.<br /><br />Ne do ti themi ndal procesit të zëvendësimit të kriminelëve që i shërbenin Tahirit me atë që i shërbejnë Xhafajt. Të gjithë ne jemi në rradhë të parë shqiptarë. Duam një Shqipëri europiane, nuk mund të humbasim më kohën duke u marrë me kriminelin e rradhës në politikë.Duhet të mbyllim njëherë e mirë kapitullin e krimit në politikë.Nuk hapen negociatat pa luftuar krimin dhe politikanët e lidhur me krimin.<br /><br />Basha tha se sot duhet të kemi një Ministri të Brendshme dhe një polici që i shërben njerëzve dhe jo një polici që rrëmben natën qytetarë të pafajshëm.<br /><br />Basha: Sot Edi Rama po mbron Fatmir Xhafaj por ne do ta largojmë atë dhe kupolën mafioze me Edi Ramën në krye.<br /><br />Për më shumë lexoni në: http://www.oranews.tv/article/te-rrezojme-ramen-opozita-therret-shqiptaret-ne-proteste-kombetare-me-26-maj
