Subscribe në Ora News këtu http://bit.ly/1s5j7UT<br /><br />Në kuadër të ditës kombëtare të jetimëve në parlamentin e Shqipërisë u mbajt një seancë e veçantë, ku 200 fëmijë jetimë dhanë disa mesazhe për politikën. Nënkryetrja e Kuvendit, Vasilika Hysi, pranoi se duhet të punohet më shumë në kuadër të të drejtave të fëmijëve.Ndërsa Kryegjyshi Botëror apeloi për më shumë vëmendje ndaj fëmijëve jetimë.<br /><br />200 fëmijë jetimë u ulën në karriget e deputetëve në parlamentin shqiptar nga ku dhanë disa mesazhe të forta. Ata bën apel për më shumë mbështetje nga qeveria. <br /><br />"E vetmja gjë që kërkoj nga qeveria e vendit tim është që të më ndihmojë në formimin tim, duke kuptuar dhe përkrahur dhimbjen time. Ndihmesa më e madhe për mua do të ishte që ne si fëmijë jetimë të kemi mundësi dhe përkrahje për fillimin e një shkollimi si të gjithë".<br /><br />"Bëni punë, mos bëni llafe. Ulni kokën dhe punoni që ne fëmijëve jetimë të na ndihmoni".<br /><br />Nënkryetarja e Parlamentit, Vasilika Hysi, pranoi se ka ende punë për të përmirësuar jetesën e fëmijëve jetimë ndërsa përmendi disa ligje që janë hartuar në favor të tyre.<br /><br />Vasilika Hysi: Folët me një çiltërsi, me zemër dhe e shpirt. Na dhatë shumë shuplaka, një pjesë të mirë të tyre e meritojmë të gjithë ne.<br /><br />Në seancën e veçantë të parlamentit shqiptar me fëmijët jetimë mori pjesë edhe Kryegjyshi Botëror, Edmond Brahimaj.<br /><br />Më shumë kujdes për këta fëmijë kërkoi edhe drejtori i Institutit për Integrimin e fëmijëve jetimë.<br /><br />Ilir Çumani: Një kujdes më të madh ndaj jush, duke treguar shoqëria një vëmendje më të madhe, institucionet po e po, por edhe ata që merren me ju në jetën e përditshme.<br /><br />Dita Kombëtare e Fëmijëve jetimë është 21 maji dhe shërben si një ditë sensibilizimi për problemet me të cilat haset kjo kategori.<br /><br />Për më shumë lexoni në:<br />http://oranews.tv/article/femijet-jetime-nje-dite-ulen-ne-karrigen-e-deputetit
