Në panoramën magjepsëse të riverës franceze, resorti luksoz Cap Roc mikpriti për të 25 vit rradhazi, të ftuarit VIP të eventit më glamuroz të bamirësisë në botë.<br /><br />Ndër 12 ditët e festivalit të Kanës, AmFAR Gala, na befason gjithnjë me paraqitjet super elegante të yjeve në tapetin e kuq.<br /><br />Aktorja Kristen Stewart, supermodelet Irina Shayk, Heidi Klum, Alessandra Ambrosio apo Adriana Lima, ishin vetëm disa prej pjesëmarrësve që çmendën dhjetra fotografë nga e gjithë bota.<br /><br />Dhe sigurisht, Bleona Qereti. Shqiptarja e skandaleve në tapetin e kuq, nuk mungoi as këtë herë në mbrëmjen-ankand. Me një fustan të tejdukshëm ngjyrë floriri, 38-vjeçarja as ketë rradhë nuk la vend për të imagjinuar...<br /><br />Siç mund ta dini, Bleona nuk është e vetmja shqiptare që bën namin në media, sapo del në një tapet të kuq të huaj. Vitet e kaluara, në AmFar-in e Cannës janë parë dhe Angela Martini dhe Aurela Hoxha.<br /><br />Por, përpos rrezëllitjes së fustaneve dhe stolive, shkëlqimi i vërtetë i personazheve, matet me donacionet që kryejnë për luftën kundër AIDS-it.<br /><br />Akti i parë i bamirësisë është blerja e biletës, që nis nga 15 mijë euro për kategorinë e mbështetësve të kauzës, në 30 mijë euro për të shënuar emrin në listën e ?padronëve? të mbrëmjes.<br /><br />Më të privilegjuar janë kategoria e bamirësve, 115 mijë euro, të cilëve u rezervohet një tavolinë dyshe. Shifrat variojnë deri në 570 mijë euro për të rezervuar një tavolinë prej 12 personash, privilegj që vjen bashkë me detyrat si organizator.<br /><br />Këtë vit, mes organizatorëve ishin disa nga ikonat e artit dhe të modës, që nga super modelja Lara Stone, aktorja e Hollywood-it Aishwarya Rai, e pamposhtura e filmave aksion Milla Jovovic, apo drejtuesja e perandorisë Versace, Donatella.<br /><br />E megjithatë, niveli më i lartë i bamirësisë në AmFAR Gala i takoi fituesve në 11 ankandet për 11 objekte apo vepra të rralla. Biznesmenë e filantropë, e hapën ?thesin? e parave për makina luksoze si McLaren 570 S Spider, apo vepra arti siç ishte portreti që aktori Pierce Brosnan, i kishte projektuar legjendës së muzikës country, Bob Dylan. Oferta fituese? 1,2 milion euro!<br /><br />Një prej relikeve më të përfolura të ankandit ishte edhe koleksioni i peliçeve të aktores më vanitoze në historinë e Hollywood-it, Elizabeth Taylor. U shit për 425 mijë euro!<br /><br />Mes 11 blerësve të shfrenuar, besojeni ose jo, por ai që surprizoi jo vetëm miliarderët botëror, qe një i ri nga Lezha. Roland Lekaj, i njohur për pozat joshëse si model në revistat aziatike, ofroi shifrën më të lartë për koleksionin e përbërë nga 31 fustane të Carine Rotfield. Për 1.6 milion euro, Roland Lekaj mori bonus dhe nga një puthje nga super modelet e momentit.<br /><br />??dhe gruaja krijoi gjithcka?, ishte titulli i sfilatës speciale, ku parakaluan modelet më të paguara të momentit. Një tribut për lëvizjen ?MeToo?, që përpiqet t?i japë forcë zërit të grave të abuzuara.<br /><br />Por, nese pyesni veten se ç?do të bëjë Rolandi me 31 fustanet, mos u shqetesoni! Modeli shqiptar është prej vitesh i martuar me sipërmarrësen kineze...
