Ndryshe nuk quhej një nga gjiret më të bukura të Jugut të Shqipërisë. Uji, qetësia dhe pamja që ofron plazhi i Jalit e kanë bërë atë vitet e fundit një nga destinacionet kryesore për turistët.<br /><br />Bregedetit të tij nuk i mungojnë as vizitorët e huaj, por zhvillimi urban që mori zona, në disa raste prishi bukuritë që natyra vizatoi për këtë vend.<br /><br />Sot kur vjen për të parë Jalin gjen një pamje tjetër.<br /><br />Për muaj me radhë kompania ?Gjiknuria? është duke punuar për të realizuar një projekt të restaurimit urban dhe sistemit të zonës ranore për ta përshtatur atë me standardet e një zone turistike elitare. Punimet për urbazimin e kësaj zone kanë nisur në Korrik të 2017-ës, me një financim 529 milionë Lekësh të Fondit Shqiptar të Zhvillimit.<br /><br />"Punimet e reja fillimisht u përqëndruan në mbrojtjen e bregdetit nga erozioni", thotë Alma Ruci, inxhiniere e firmës "Gjikuria".<br /><br />Pjesa ranore e plazhit është sistemuar në dy nivele. E para, më në afërsi me detin, për pushuesit të cilët kërkojnë diellin dhe niveli i dyti do t?i përshatet argëtimit, lojrave për fëmijë dhe shërbimeve për qytetarët.<br /><br />Shëtitorja është një tjetër vepër e cila ka ndryshuar tërësisht organizimin e këtij bregedeti. Pishat dhe palmat në mes të saj lidhin estetikisht atmosferën me ngjyrat e detit.<br /><br />Pedonalja e gjatë 400 metra, këtë verë do të mundë pluhurin e rrugës që ishte më parë në këtë plazh, e ndërsa aktivitetet e biznesit janë përshtatur në arkitetura uniforme, të punuara me kujdes për të përmbysur kaosin që krijonin më parë.<br /><br />Punonjësit e firmës tregojnë se projekti për Jalin u realizua nga Fondi Shqiptar i Zhvillimit me qëllim që të thithë turistë të edukuar. Përgjatë bregdetit nuk do të mungojnë dushet, stolat e pushimit, dhomat e zhveshjes, baret dhe restorantet.<br /><br />Pedonalja imiton më së miri valët e detit. Si gur është zgjedhur korteni, një risi në ndërtimet tona, e ndërsa ngjyrat e tij vishnjë dhe bezhë formojnë kontrastin e shëtitores.<br /><br />Tashmë punimet janë në fund. Shëtitorja do të jetë gati brenda Qershorit dhe detajet e fundit po përqëndrohen te mënyra se si do të bëhet ndriçimi i saj dhe hapësirave mes pemëve. Por për të parë Jalin në mbrëmje, duhet ta vizitoni vetë. Këtë verë shëtitorja e re është gati!<br /><br />Tv Klan
