Velipoja çeli zyrtarisht sezonin turistik. Rruga që të çon drejt plazhit ëhstë drejt përfundimit. Ndërsa moti i ngrohtë me diell ka sjellë edhe pushuesit e parë të huaj dhe vendas që kanë gjetur pastërtinë e këtij plazhi ranor.<br /><br />"Jam nga Italia nga rajoni i Toskanës, kam një javë në Velipojë dhe do rri edhe një javë tjetër. Më pëlqen shumë. Në Itali plazhet janë më të organizuara, por këtu më pëlqen shumë".<br /><br />Edhe një turiste nga Tajlanda ka zgjedhur të shijojë ujin e pastër të Velipojës.<br /><br />"Është hera e parë që vij në Shqipëri, këtu më pëlqen, uji është shumë i ngrohtë dhe rëra është e mrekullueshme".<br /><br />Çdokush mund të gjejë vetveten në këtë zonë. Të moshuarit zgjedhin të shijojnë rrezet e diellit, ndërsa të rinjtë lojërat e shumta që ofron plazhi i Velipojës.<br /><br />Edhe pse shezlonet po vendosen, Bashkia e Shkodrës akoma nuk ka lidhur kontratat me bizneset përfituese.<br /><br />Velipoja është nga zonat turistike më të frekuentuara për turizmin familjar, me pushues që vijnë nga i gjithë vendi dhe me një numër të lartë edhe të pushuesve të huaj.<br /><br />Tv Klan
