Subscribe në Ora News këtu http://bit.ly/1s5j7UT<br />Katërmujori i parë i këtij viti shënon tetë viktima më pak nga aksidentet rrugore krahasuar me një vit më parë.<br /><br />INSTAT në raportin e fundit lidhur me sigurinë në rrugë konstaton se gjatë muajit Prill 2018, numri i të aksidentuarve është 168 persona, nga 190 që ishte një vit më parë.<br /><br />Numri i aksidenteve ka pësuar ulje me 11,6 % për qind krahasuar me të njëjtin muaj të një viti më parë. Sipas raportit të INSTAT, numri i personave të aksidentuar në katërmujorin e parë 2018 është 651, duke u ulur me 9,6 %, krahasuar me të njëjtën periudhë të një viti më parë.<br /><br />Rënie kanë shënuar edhe viktimat nga aksidentet, ku gjatë prillit të këtij viti janë shënuar 14 persona të vdekur, nga 22 persona që kishin humbur jetën një vit më parë.<br /><br />Në katërmujorin e parë 2018, numri i të vdekurve nga aksidentet rrugore është 61, duke u ulur me 20,8 %, krahasuar me të njëjtën periudhë të vitit 2017.<br /><br />Ndërkohë në prillin e këtij viti 85 për qind e aksidenteve rrugore kanë pasur si shkak sjelljen e drejtuesve të mjeteve ndërsa numri më i lartë i aksidenteve është kryer nga grupmosha 25 ? 35 vjeç.<br /><br />Sa i përket katërmujorit të parë të vitit 2018, aksidentet në 19,8 % të rasteve kanë ndodhur si pasojë e sjelljes së këmbësorit.<br /><br />Raporti i fundit i INSTAT evidenton faktin se gjatë kësaj periudhe të katër muajve të parë të këtij viti, numri i ngjarjeve rrugore të ardhura sipas sjelljes së këmbësorit është rritur 19,0 %, krahasuar me të njëjtën periudhë të një viti më parë.<br />Për më shumë lexoni në:<br />http://oranews.tv/article/raporti-i-instat-ulet-numri-i-aksidenteve-me-pak-viktima
