Pas Komisionit të Ligjeve, debatet e forta kanë përfshirë edhe Komisionin e Ekonomisë. Deputeti demokrat, Flamur Noka, ka paralajmëruar një tjetër përgjim nga PD për Agron Xhafajn.<br /><br />Noka përmendi dhe protestën e paralajmëruar nga opozita të shtunën, më 26 maj, duke thënë se nëse ministri Xhafaj nuk është larguar, opozita do ta largojë atë bashkë me kryeministrin, por Erjon braçe i kujtoi deputetit të PD vitin 1996, kur pushteti u 'rrëmbye' me dhunë.<br /><br />Deputeti i PD e ka cilësuar një lëvizje dinake largimin e Agron Xhafajt në Itali, që sipas tij, u bë për t?iu hedhur hi syve njerëzve. <br /><br />Së shpejti një përgjim i ri që provon se Agron Xhafaj vijonte trafikun e drogës, gjatë kohës që vëllai i tij ka qenë ministër i Brendshëm. Largimi i Agron Xhafajt në Itali ishte një lëvizje dinake për t?u hedhur hi syve njerëzve. Materiali i dytë që do dalë do jetë vërtetim katarcipërisht i faktit se Agron Xhafaj ishte aktiv në trafikun e drogës, kur vëllai i tij ishte ministër. Nëse të shtunën nuk lirojmë ministrin, bëhuni gati se do ju largojmë me gjithë kryeministrin<br /><br />Flamur Noka, deputeti i PD<br />Në përgjigjen e tij, kreu i komisionit, Erjon Braçe, i ka thënë se opozita mund ta marrë pushtetin me dhunë, duke i kujtuar vitin 1996. <br /><br />Bujrum, merreni me dhunë pushtetin, si në vitin 1996. Kërcënimet janë të rënda në raport me ligjin.<br /><br />Erjon Braçe, kryetar i Komisionit të Ekonomisë<br />Braçe është përplasur dhe me kreun e grupit të PD, Edmond Spaho, i cili ju kërkoi socialistëve të reflektonin lidhur me akuzat ndaj Xhafajt. Deputeti i PS iu përgjigj Spahos se janë kthyer në komunizëm.<br /><br />A e kuptoni në çfarë gjendjeje jeni futur, në çfarë rruge pa krye, dhe duhet të reflektoni se është në interes të publikut. <br /><br />Edmond Spaho, deputet i PD<br />Brace: Po boll mo burrë boll, se e keni kthyer komunizëm e shkuar komunizmit. <br /><br />Erjon Braçe, deputet i PS<br />Pas debateve të forta, ku deputetët e PD vijuan me akuzat e forta ndaj ministrit të Brendshëm, Fatmir Xhafaj, opozita ka braktisur Komisionin e Ekonomisë.
