Rënia e pandalshme e monedhës Euro nuk shpejgohet nga faktorë fondamentalë, nëse takon dhe bisedon me ekspertët. Selami Xhepa për shumë kohë ka qenë i angazhuar në një qendër e cila përpunonte të dhënat e importeve dhe eksporteve në Shqipëri. Ai nuk beson se mbiçmimi i lekut ka ardhur si rezultat i rritjes së eksporteve, pasi tendenca e tyre është në zhvillimet normale, njësoj si investimet e huaja edhe remitancat.<br /><br />Pavarësisht faktorëve momentalë spekulativë dhe psikologjikë, Xhepa thotë se nuk duhet mohuar edhe fakti se ka patur hyrje të vëllimeve të Euros në mënyrë informale në ekonominë tonë.<br /><br />Ai sugjeron se në këtë moment Banka e Shqipërisë duhet të ndërhyjë në treg për të stabilizuar kursin dhe të mos sjellë humbje për sektorin prodhues vendas, siç janë eksportuesit.<br /><br />Edhe pse Shqipëria ndjek një regjim të lirë të kursit të këmbimit, i cili vendoset mbi kërkesën dhe ofertën e tregut ka raste në historinë ekonomike ku vende me të njëjtën politikë si Zvicra dhe Holanda kanë ndërhyrë në treg për të zbutur ndikimin në ekonomi, përfundon Xhepa.
