Kërkesa për të gjetur një punë në administratën publike është ulur ndjeshëm gjatë dy viteve të fundit. Sipas të dhënave të Departamentit të Adminsitartës Publike, numri i aplikantëve që duan një punë me statusin e nëpunësit civil apo niveleve drejtuese është dy herë më i ulët në fund të 2017-s krahasuar me vitin 2015.<br /><br />Dy vite më parë kanë qenë 20 mijë persona që kanë aplikuar pranë këtij departamenti për të marrë një pozicion pune, ndërsa në 2017-n numri i tyre është 8600, ulje drastike e cila lidhet edhe me rënien e vendeve të shpallura.<br /><br />Brikena Nallbani është nëndrejtore e Shërbimit Kombëtar të Punësimit. Ajo thotë se tendenca për të kërkuar një punë në ?shtet? ka rënë ndjeshëm nga viti në vit.<br /><br />Disa nga arsyet që ajo numëron është edhe rikthimi i rregullit në administratë, e cila nuk vlerësohet më si një punë e lehtë, ndërsa sektori privat konkurron më shumë me pagat dhe pozicione për persona që kanë arsim profesional.<br /><br />Shërbimi Kombëtar i Punësimit pranon se ka edhe raste ku shumë punonjës vendosin të largohen vetë nga administrata publike dhe të kërkojnë punësimin në sektorin privat. Aktualisht ka 85 mijë punëkërkues në zyrat e punësimit, ndërsa para dy vitesh ky numër ishte 150 mijë.
