http://www.vizionplus.tv<br />https://facebook.com/VizionPlusTV<br />https://instagram.com/vizionplustelevizion<br />https://twitter.com/VizionPlusTV<br />Deputetë të Parlamentit Gjerman, përfaqësues të Departamentit Amerikan të Shtetit, drejtues të OSBE do të zbarkojnë këtë javë në Tiranë.<br /><br /> <br /><br />Për shkak të vendimit për hapjen ose jo të negociatave për anëtarësim dhe peshës specifike të Gjermanisë në BE, ndoshta vizita më e rëndësishme është ajo e deputetit të Bundestagut Florian Hahn i cili është edhe zëdhënës për Europën në grupin parlamentar të CSU.<br /><br /> <br /><br />Hahn ka mbërritur tashmë në Tiranë dhe të enjten do të zhvillojë takime me kryeministrin Edi Rama, ministrin e jashtëm Bushati, liderin e opozitës Basha e kryetaren e LSI Kryemadhi. Gjatë qëndrimit në Tiranë deputeti gjerman do të zhvilloje një takim edhe me Majlinda Bregun e cila pak javë më parë u zgjodh Sekretare e Përgjithshme e Këshillit të Bashkëpunimit Rajonal.<br /><br /> <br /><br />Vizita e Florian HAHN në Tiranë ishte planifikuar në fillim të këtij muaji pikërisht ditën kur Saimir Tahiri dorëzoi mandatin e deputetit, por deputeti gjerman i shtyu takimet për shkak të anulimit të fluturimit.<br /><br /> <br /><br />Të shtunën kur opozita do të zhvillojë protestën për largimin e ministrit të brendshëm Fatmir Xhafaj në Tiranë mbërrin zëvendës ndihmës sekretari amerikan i shtetit Pete Marocco. Ai do të marrë pjesë në konferencën ndërkombëtare, ku do të marrin pjesë përfaqësues të lartë nga vende të Europës Juglindore dhe të rajonit për problematikën e sigurisë rajonale dhe ekstremizmit të dhunshëm. Konferenca organizohet nga një grup deputetësh të parlamentit shqiptar të majtë e të djathtë ku do të marrin pjesë edhe përfaqësues të qeverisë.<br /><br /> <br /><br />Po të shtunën për një vizitë dy ditore në Tiranë vjen edhe një delegacion i Asamblesë Parlamentare të OSBE i cili do të zhvilloje takime me drejtuesit e institucioneve shqiptare dhe liderin e opozitës Lulzim Basha e kryetaren e LSI Kryemadhi.<br /><br /> <br /><br />Ndërsa në datën 29 maj në Shqipëri do të vijë Sekretari i Përgjithshëm i OSBE Thomas Greminger.<br />Sekretari i Përgjithshëm do të takohet me krerët më të lartë të shtetit dhe opozitën për të ritheksuar mesazhet e bashkëpunimit mes OSBE-së dhe institucioneve shqiptare.
