Ish-Kryeministri Sali Berisha thotë se deklaratat e mazhorancës për përfshirje të zyrtarëve të Partisë Demokratike në trafikimin e 613 kg kokainë nga Kolumbia të kapur në Durrës, është një mënyrë për t?iu shmangur të vërtetës.<br /><br />Në një intervistë për emisionin 'Byro Politike' në Abc News, Berisha thotë se pronari i kompanisë 'Arbri Garden', Arbër Çekaj i arrestuar në Gjermani është i lidhur familjarisht me Partinë Socialiste.<br /><br />"Xhaxhai i tij ka qenë kryetar PS në Tropojë. Drogën e porositi Olsi Rama dhe Ardian Çela".<br /><br />Berisha thotë se këto deklarata bëhen me qëllim për të hequr vëmendjen nga çështja "Xhafaj".<br /><br />"E bëjnë për të hequr vëmendjen, Xhafaj i dënuar edhe në Venezuelë".<br /><br />Berisha thotë se protesta e së shtunës do të jetë revoltë e qytetarëve kundër qeverisë së lidhur me trafikun e drogës dhe drejtësisë që kontrollohet nga qeveria.
