Subscribe në Ora News këtu http://bit.ly/1s5j7UT<br />Persona ende të paidentifikuar kanë bastisur Prokurorinë e Durrësit duke vjedhur materialet në zyrat e prokurorëve.<br /><br />Ngjarja ka ndodhur gjatë natës, ndërsa denoncimi është bërë nga pastruesja e këtij institucioni, e cila gjeti dyert e dëmtuara.<br /><br />Dyshohet se autorët janë të brendshëm<br /><br />Burime nga grupi hetimor bëjnë të ditur për Ora News se autorët dyshohet se janë të brendshëm pasi kanë hyrë nga dera kryesore, ndërsa dyert e brendshme janë hapur nëpërmjet kartës me çip që e kanë të gjithë punonjësit.<br /><br />Ndërkohë burimet thonë se krahas dokumenteve dhe dosjeve është vjedhur edhe serveri qendëror. Por nuk dihet se cilat dosje dhe materiale janë vjedhur. Ndërsa po bëhet inventari i të gjitha zyrave për të evidentuar sasinë dhe llojin e materialeve të vjedhura nga Prokuroria.<br /><br />Një nga zyrat e vjedhura është ajo e prokurorit të Task-Forcës në Prokurorinë e Durrësit, Afrim Shehut dhe një oficeri.<br /><br />Godina ruhej nga punonjesit e Policise Private.<br /><br />Në një njoftim zyrtar për mediat, Prokuroria thotë se persona "të paidentifikuar me sende të forta kanë hapur derën e Zyrës së Serverit ku kanë dëmtuar dhe marrë pajisje elektronike që regjistrojnë kamerat e sigurisë, etj. Po kështu është konstatuar se këta persona kanë hapur me forcë edhe zyrën e një prokurori dhe një zyre të oficerëve të policise gjyqësore. Ngjarja ka ndodhur gjatë orëve të vona të nates kur Godina e Prokurorise ruhej nga punonjesit e Policise Private".<br /><br />Në Prokurorinë e Durrësit ndodhen dosje të korrupsionit, trafikut të narkotikëve dhe të trafikut të qënieve njerëzore.<br /><br />Policia ka urdhëruar që asnjë punonjës të mos hyjë brenda.<br /><br />Ndërkohë po kqyren kamerat e sigurisë dhe po merren shenjat e gishtrinjve për të bërë të mundur identifikimin e autorëve.<br /><br />Ndërkohë po kqyren kamerat e sigurisë dhe po merren shenjat e gishtrinjve për të bërë të mundur identifikimin e autorëve.<br /><br />Kjo është hera e dytë që vidhen materialet në zyrat e Prokurorisë së Durrësit.<br /><br /> Në datën 8 maj dy persona grabitën postierin pranë Prokurorisë së Rrethit Gjyqësor Durrës dhe i morën disa materiale që ai kishte tërhequr nga posta. <br />Për më shumë lexoni në:<br />http://www.oranews.tv/article/bastiset-prokuroria-e-durresit
