Sot në Misionin e Shqipërisë në OKB Gjenevë, zbarkon një grup auditi me urdhër të ministrit Bushati. Një burim nga Gjeneva i tregoi Report TV tregojnë qëllimin e auditimit. ?E-mail-i zyrtar është zbrazur dhe nuk ka asnjë korrespondencë të Misionit me Swiss Mission (Ministria e Jashtme zvicerane) dhe organizma të tjerë homologë dhe ndërkombëtarë? thotë burimi diplomatik.<br /><br />Sipas të njëjtit burim mësohet se auditi do të shikojë nëse janë zhdukur edhe dokumente nga arkiva dhe dosjet. Ka dyshime se janë zhdukur edhe një mori me dokumentacionesh që i përkasin departamentit të financës në këtë mision. Ambasadorja e re Ravesa Lleshi duket se është shokuar nga situata që ka gjetur në mision, përsa i përket dokumentacionit dhe ndaj ka nxitur ushtrimin e auditit. Zhdukja dhe asgjësimi i dokumentacionit, sikas Kodit te Procedures Penale eshte nje krim, i cili dënohet me burg.<br /><br />Periudha e auditit lidhet me kohën kur këtë mision e drejtonte zonjë Filloreta Kodra. Report TV në lidhje me këtë audit kërkoi një prononcim në MEPJ. Zëdhënësja e këtij institucioni deklaroi se: ?Kemi të bëjmë me një proces normal sipas planifikimit dhe rregullave të auditit. Ne misionin në Gjenevë nuk është bërë audit prej 2015? theksoi zëdhënësja e MEPJ, Edlira Prendi.<br /><br />Në shkurt 2018 Blerina Zoto, ish- këshilltarja jonë në Misionin diplomatik pranë OKB-së në Gjenevë, ka kallëzuar në Prokurori ambasadoren shqiptare në Zvicër, Filloreta Kodra, duke i renditur nëntë shkelje që ajo ka kryer gjatë drejtimit të ambasadës. Në kallëzim, thuhet se ambasadorja Kodra ?më ka cënuar banesën gjithashtu, teksa më ndryshoi kontratën e qirasë dhe e kaloi atë nga emri i Misionit, në emrin tim personal duke shkelur ligjin dhe më pas i kërkonte Agjencisë Imobiliare dhe Misioni Diplomatik në Gjenevë të më nxirrnin jashtë nga banesa dhe nuk më paguante qiratë.
