Subscribe në Ora News këtu http://bit.ly/1s5j7UT<br /><br />Prodhuesit shqiptarë kërkojnë nga qeveria një zgjidhje e cila do të mbronte produktet shqiptare përballë konkurentëve.Të mbledhur në një tryezë të përbashkët për të diskutuar në lidhje me efektet që po jep zhvlerësimi i euros, Arben Shkodra, sugjeron se një mënyrë mund të jenë edhe lehtësitë fiskale deri në stabilizimin e situatës. Aktualisht një euro në tregun e këmbimit valutor po këmbehet me 126.6 lekë dhe gjatë kësaj jave ka pasur një trend rënës.<br /><br />Zhvlerësimi i euros po rrezikon prodhimet Made in Albania. Prodhuesit më të mëdhenj shqiptarë janë mbledhur së bashku për të diskutuar mbi dëmin që po pësojnë.<br /><br />Arben Shkodra deklaron se ndjehen të shqetësuar për faktin se rënia e euros vazhdon dhe nuk dihet se kur mund të ketë një stabilizim të gjendjes, duke ndikuar në uljen e fitimeve të cilat shkaktojnë automatikisht edhe shkurtim të vendeve të punës.<br /><br />Arben Shkodra: Mendojmë dhe besojmë fort që impaktin më të madh do ta ketë Made in Albania, pra produktet e gjeneruara totalisht në Shqipëri. Kemi sektorin që është sektori i materialeve të ndërtimit që gjenderohet në Shqipëri, tullat, fabrikat e çementos. Të gjithë lëndën e parë ato e marrin në lekë shqiptare, gjithë përpunimin e kryejnë në lekë shqiptare por eksportin ata e bëjnë pastaj në euro.<br /><br />Prodhuesit shqiptar kërkojnë dialog me qeverinë në mënyrë që të gjendet një zgjidhje e momentit duke ulur tarifat apo taksat.<br /> <br />Për më shumë lexoni në: http://oranews.tv/article/zhvleresimi-i-euros-demton-marken-made-albania-perballe-konkurenteve
