Skuadra kombëtare e futbollit ka nisur grumbullimin e saj në Zyrih për të përgatitur edhe takimin e parë miqësor me Kosovën që siç është programuar do të luhet në datë 29 maj, ora 20.00 në stadiumin e qytetit të Zyrihut.<br /><br />Sipas programit sot dolën përpara mediave, futbollistët Sindrit Guri dhe Emanuele Ndoj. Sulmuesi më në formë i kampionatit së bashku me Abazajn, që sezonin e ardhshëm do të luajë me skuadrën e Oostende në Belgjikë, Sidrit Guri, për këtë vlerësim dhe ardhje në kombëtare theksoi:<br /><br />Ishte një vit i mirë për mua pasi tregova vlerat e mia duke punuar shumë dhe them se e shfrytëzova më së miri momentin tim. Kombëtarja kam bindjen se do të ndikojë për shumë më mirë dhe duhet të japim të gjithë maksimumin këtu.<br /><br />Në lidhje me kampionatin dhe hyrjet në skuadrën përfaqësuese mendoj se kampionati shqiptar ka një rritje të dukshme, dhe kjo shihet edhe nga prezantimi në Europë i skuadrave si Skënderbeu apo Kukësi.<br /><br />Si unë, ashtu edhe Abazaj që u transferuam në Belgjikë mendoj se hodhëm hapat e duhur. Në lidhje me një aktivizim të mundshëm në kombëtare? E vendos vetëm trajneri.<br /><br />Unë jam sulmues dhe dua të luaj në sulm, por në fushë do të jap atë që më kërkon trajneri. Jam i gatshëm të punoj maksimalisht dhe të jap më të mirën time në këtë grumbullim për këto dy miqësore.
