Durrësi akoma po përgatitet për sezonin veror, por pushuesit kanë mbërritur. Plazhi ndër destinacionet kryesor të turizmit familjar është mbipopulluar për fundjavë.<br /><br />Të ardhur nga vende të ndryshme, të gjithë, të vegjël e të rritur po shijojnë diellin, detin dhe rërën. Qetësia e këtij fillim sezoni por edhe përmirësimi i shërbimeve turistike i sjell vizitorët këtu.<br /><br />Durrësi ka çfarë ofron, ndaj pushuesit e rendisin ndër vendet kryesore për tu vizituar.<br /><br />Krahas plazhit tradicional të Durrësit edhe plazhe të tjera turistike si Golemi, Gjiri i Lalëzit, Currilat janë frekuentuar masivisht.
