Subscribe në Ora News këtu http://bit.ly/1s5j7UT<br /><br />Një ditë pas ngjarjes së rëndë në Barbullush ku 47 vjeçari Ardian Kallami i dha fund jetës duke u vetëvarur dhe familjarët e tij ngritën akuza për dhunë psikologjike e fizike nga policia, kreu i policise se shtetit ka pezulluar nga detyra shefin e Komisariatit të Vau i Dejesit dhe dy police.<br /><br />"Drejtori i Përgjithshëm i Policisë së Shtetit z.Ardi Veliu sot ka urdhëruar masën e pezullimit nga detyra, përkatësisht për P.Ç., Shef i Komisariatit të Vaut të Dejës dhe punonjësit Z.D dhe P. Zh., me detyra SPZ (Specialist policor i zonës)".<br /><br />Ministria e Brendshme thotë se pasi është vënë dijeni mbi ngjarjen Ministri i Brendshëm, Fatmir Xhafaj, ka urdhëruar Shërbimin e Çështjeve të Brendshme dhe Ankesave që në bashkëpunim me Prokurorinë të nisi një proces verifikimi dhe hetimi.<br /><br />Pas verifikimeve paraprake ndaj punonjësve të Policisë të dyshuar si të implikuar me përgjegjësi, Ministri i ka kërkuar Drejtorit të Përgjithshëm shqyrtimin e çështjes me prioritet dhe marrjen e masave përkatëse deri në hetimin e plotë të ngjarjes nga Prokuroria e Rrethit Gjyqësor Shkodër. <br /><br />Materialet përkatëse janë referuar pranë Prokurorisë së Rrethit Gjyqësor Shkodër, për ndjekje të mëtejshme penale konform ligjit.<br /> <br />Për më shumë lexoni në: http://oranews.tv/article/u-vetevra-pas-ndalimit-grabitjen-e-shtepise-perballe-familjaret-akuza-policise
