Subscribe në Ora News këtu http://bit.ly/1s5j7UT<br />Banorët e Shëngjinit ankohen se në disa lagje uji i pijshëm shkon i ndotur duke u kthyer në një problematikë kryesore në këto ditë të nxehta kur zona bregdetare pret mijëra turistë. Kryebashkiaku i Lezhës Fran Frrokaj pranon problematikën, ndërsa e thekson e shkak është rrjeti i amortizuar i ujësjellësit të vjetër që ende furnizon një pjesë të qytetit.<br /><br />Shëngjini ka nisur sezonin turistik ku pret disa dhjetra mijëra pushues, por furnizimi me ujë të pijshëm mbetet një problem për një pjesë të zonës bregdetare.<br /><br />Në lagjen e Portit, uji i pijshëm është i ndotur si rezultatet i amortizimit të rrjetit.<br /><br />Banor: "Uji i pijshëm vjen vetëm me pompa. Nëse stakohet pompa neve nuk na vjen uji. Jemi të detyruar të edhe energjinë e pompës edhe ujin, ne paguajmë dyfish."<br /><br />Kryebashkiaku i Lezhës, Fran Frrokaj pranon problemin e ngritur nga qytetarë, ndërsa argumenton se një pjesë e Shëngjinit ende furnizohet me ujësjellësin e vjetër.<br /><br />Fran Frrokaj: "Shëngjini nuk merr ujë nga Ujësjellësi i qytetit të Lezhës, në disa pjesë. Pastaj cilësia do të ishte mirë që të ishte më cilësore. Në fakt ne e kemi gjetur një ujësjellës të amortizuar."<br /><br />Zgjidhja shikohet tek pëfshirja e të gjithë Shëngjinit në Ujësjellësin e Ri të Lezhës, por kjo nuk mund të ndodhë ketë sezon turistik që tashmë ka nisur dhe në një kohë kur konsumi i ujit rritet ndjeshëm. <br />Për më shumë lexoni në:<br />http://oranews.tv/article/shengjini-pa-uje-te-pijshem-shkak-rrjeti-i-amortizuar
