Subscribe në Ora News këtu http://bit.ly/1s5j7UT<br />Trafikantët po përdorin një rrugë të re për kalimin e emigrantëve nga Lindja drejt Europës.<br /><br />Kontrabandistët marrin emigrantët nga Greqia dhe përmes rrugës së Shqipëri të kalojnë në Europën Qendrore.<br /><br />Pikërisht parandalimi i këtij trafiku ishte tema kryesore e takimit që kryeministri Edi Rama pati sot me kancelarin austriak.<br /><br />Kurz: "Tema kryesore e takimit ishte parandalimi i emigracionit ilegal nga Ballkani drejt vendeve të BE-së. Ne po përjetojmë në Ballkan një rrugë të re të emigracionit. <br /><br />Kontrabandistët përpiqen të marrin njerëzit nga Greqia dhe përmes rrugës së Shqipëri të kalojnë në Europë. Duhet të luftojmë kundër këtij fenomeni dhe kësaj rruge. Jam i kënaqur që kemi të njëjtin mendim. Duhet të shikoni që shifrat e refugjatëve po rriten dhe duhet të trajtojmë këtë problem që tani, para se të bëhen më të mëdha siç ishte rasti i 2015. Dua të falenderoj kryeministrin për gadishmërinë që Shqipëria tregon për ta parandaluar këtë emigracion.<br /><br />Na ndihmoni të mos ju lejojmë t'ju përsëriten skenat e 2015."<br /><br />Nga ana e tij kryeministri Rama shprehu gadishmërinë për të bashkëpunuar por kërkoi dhe ndihmë.<br /><br />Edi Rama: "Kemi një fluks që po rritet në mënyrë shqetësuese, por që për momentin ka qenë tërësisht i kontrolluar prej nesh. A ma na duhet bashkëpunim i ngushtë dhe i menjëhershëm për të shmangur rishfaqjen e skenave që tronditën Europën e 2015. Kemi dakordësi të plotë për një bashkëpunim të ngushtë me Austrinë e vendet e tjera në këtë proces."<br /><br />Do ju mbështesim financiarisht<br /><br />Kancelari austriak tha se Shqipëria do të mbështetet jo vetëm financiarisht por dhe me policë të rinj<br /><br />Kurz: "Shqipëria ka mbështetjen tonë financiarisht, në mënyrë që të luftojmë këtë emigracion ilegal. Do ta mbështesim dhe në marrëdhëniet bilaterale, me polic të rinj dhe në fushat e tjera. Së bashku me ministrin e punëve të Brendshme, kryeministrin dhe partnerët e tjerë të BE-së të ndjekim një rrugë bilaterale në mënyrë që fluksin e emigrantëve ta ndalojmë përpara se të shtojmë shumë e më shumë." <br />Për më shumë lexoni në:<br />http://oranews.tv/article/shqiperia-gati-te-ndale-skenat-e-2015-te-emigranteve-ne-be-por-kerkon-ndihme
