Subscribe në Ora News këtu http://bit.ly/1s5j7UT<br />Partia Demokratike ka reaguar në mënyrë zyrtare në lidhje me lajmin për survejimin e kreut të opozitës, Lulzim Basha dhe familjes së tij. Në një deklaratë për mediat, nënkryetari i PD-së, Edmond Spaho u shpreh se ky është një operacion klandestin i Xhafaj e Ramës, me mbështetjen e Arta Markut.<br /><br />Deklarata e plotë<br /><br />Operacioni klandestin i ndjekjes dhe përgjimit 24 orë të kryetarit të opozitës dhe familjes së tij është operacion i paligjshëm, antikushtetues dhe kriminal.<br /><br />Operacioni klandestin është konceptuar dhe zbatuar nga Fatmir Xhafaj, ish-hetuesi i dhunshëm i komunizmit, me urdhër të Edi Ramës.<br /><br />Ndjekja dhe përgjimi i kryetarit të opozitës bëhet për interesa kriminale. Në këtë operacion Rama dhe Xhafaj po përdorin strukturat e policisë që janë krijuar dhe kanë për qëllim të gjurmojnë dhe luftojnë krimin dhe drogën për të gjurmuar dhe luftuar ata që që denoncojnë krimin dhe drogën.<br /><br />Ky operacion dëshmon se qeveria funksion si një pushtet privat kriminal në mbrojtje të trafikut të drogës dhe krimit të organizuar ku janë përfshirë drejtuesit më të lartë të qeverisë.<br /><br />Këto operacione klandestine kriminale kanë garancinë e mbrojtjes nga prokuroria politike e drejtuar nga Arta Marku, përfaqësuesja dhe shërbëtorja politike e dyshes Rama-Xhafaj. Këto veprime kriminale kanë garancinë e mosndëshkimit si rezultat i shkatërrimit të Gjykatës Kushtetuese, paralizimit të plotë të Gjykatës së Lartë dhe kontrollit të plotë mbi sistemin e drejtësisë nga Edi Rama dhe Fatmir Xhafaj.<br /><br />Në këto kushte, Shqipëria është sot është në një gjendje ku jeta, liria, prona dhe e drejta e çdo qytetari janë të rrezkuara nga krimi që mbrohet nga shteti.<br /><br />Gjendja e lirisë, të drejtave të njeriut dhe drejtësisë në vend do të bëhet edhe më e rëndë pasi, për të mbrojtur lidhjet dhe përfshirjen e tyre kriminale në trafikun e drogës, dyshja Rama-Xhafaj do të vazhdojë të kryejë krime të tjera ndaj kujtdo që bëhet pengesë për ta. <br />Për më shumë lexoni në:<br />http://oranews.tv/article/basha-ne-survejim-pd-gjithcka-me-urdher-te-rames-xhafaj-e-zbaton
