http://www.vizionplus.tv<br />https://facebook.com/VizionPlusTV<br />https://instagram.com/vizionplustelevizion<br />https://twitter.com/VizionPlusTV<br /><br />Pas suksesit në Sanremo në Itali, këngëtari shqiptar Ermal Meta zbriti në sheshin Skënderbej mbrëmjen e të premtes, duke elektrizuar mijëra njerëz që ishin mbledhur për të ndjekur koncertin e tij.<br /><br /> <br /><br />Kantautori zgjodhi të zbresë mes fansave për të kënduar bashkë me ta disa nga hitet më të mira.<br /><br /> <br /><br />Mes duartrokitjeve, këngëtari i talentuar vlerësoi pritjen që i rezervoi Tirana.<br /><br /> <br /><br />Ermal Meta: Kush vendos kulturën në radhë të parë, do të thotë se ka shumë kulturë dhe shumë përgjegjësi për jetën.<br /><br /> <br /><br />Koncertin e ndoqën edhe kryebashkiaku Veliaj dhe ambasadori italian Alberto Cutillo.<br /><br /> <br /><br />Erjon Veliaj: Për të rinjtë ishte një moment frymëzimi se si dikush edhe pse nuk ka mbiemër të njohur, edhe pse nuk vjen nga një familje e madhe, edhe pse nuk i ka shtruar njeri tapetin e kuq, edhe pse nuk ia ka hapur njeri portën, arrin të bëhet i madh me shumë punë dhe me shumë talent. Një shembull frymëzimi për të gjithë.<br /><br /> <br /><br />Alberto Cutillo: Është e mrekullueshme të festojmë festën e Republikës me Ermalin dhe t?i themi se sa shumë ne italianët, shqiptarët jemi të kënaqur me suksesin e tij dhe krenar për shembullin që jep për miqësinë shqiptaro-italiane.<br /><br /> <br /><br />Pjesë e koncertit që mbushi me tinguj sheshin Skënderbej ishin edhe këngëtarët shqiptarë Marsela Çibukaj, Vitmar Basha dhe Eugent Bushpepa.<br /><br /> <br /><br />Ndërkohë, kryeqyteti do të presë një tjetër yll të muzikës, këtë radhe ditën e diele me performancën e këngëtares me famë botërore, Rita Ora.
