Publiku e priti në këmbë e me duartrokitje të zjarrta këngëtarin shqiptar që ka fituar zemrat e mijëra personave me talentin e tij e që padyshim bën krenarë çdo shqiptar.<br /><br />Në këtë mbrëmje finale të "Në kurthin e Piter Pan", i ftuari i parë special ishte artisti shqiptar me famë ndërkombëtare, Ermal Meta. I riu me origjinë në Fieri, iu përgjigj pyetjeve sa gazmore, aq edhe interesante të fëmijëve, të cilët ishin kureshtar si për ushqimet që konsumonte, e deri se sa të dashura kishte...<br /><br />Çfarë ka Italia që nuk e ka Shqipëria?<br /><br />Italia më shumë se Shqipëria ka vetëm makaronat. Ndërsa Shqipëria për mua ka një copë të zemrës, kam familjen.<br /><br />Çfarë duhet të plotësojë një vajzë që të jetë gruaja jote?<br /><br />Duhet të jetë shumë e ndershme dhe shumë autoironike. Bukuria nuk më intereson shumë, sepse ikën me shumë shpejtësi. Ajo që ngelet është bukuria e brendshme.<br /><br />Sa të dashura ke ti, se kam dëgjuar se je njëçik mistrec?<br /><br />Vetëm 1. Edhe një është e vështirë, imagjinoni dy.<br /><br />A e ke lënë groshën e Fierit? ...apo tani ha vetëm pasta, pica, makarona kështu gjërash ti?<br /><br />Mua më pëlqejnë shumë fasulet. Por më pëlqejnë vetëm si i bën gjyshja ime ama, për të tjerat pastaj, të tjerat nuk më pëlqejnë./tvklan.al
