Policia e Kurbinit ka finalizuar me sukses operacionin e quajtur "Kurbini" ku ka identifikuar autorin prositës të një vepre penale të ndodhur në korrik të vitit 2017, shtetasit N.N i është bërë atentat duke e plagosur me armë zjarri dhe i është vendosur këndë eksplozive në makinë, dhe operacioni i koduar "Kurbini" ka identifikuar Fran Gjokën, 57 vjeç, lindur në Mirditë dhe banues në Tiranë, të dyshuar si organizator dhe porositës i kësaj vepre penale.<br /><br />Për këtë shtetas, Gjykata e Rrethit Gjyqësor Kurbin me datë 05.06.2018, në mungesë, ka caktuar masën e sigurisë "Arrest me burg" për veprat penale " Vrasje me paramendim' mbetur në tentativë" dhe " Shkatërrim prone me eksploziv" kryer në bashkëpunim " parashikuar nga nenet 78-22-25 të Kodit Penal dhe 152 të Kodit Penal.<br /><br />Motivi i këtyre ngjarjeve dyshohet një konflikt i ndodhur që në vitin 1997 në fshatin Fan të Mirditës, i cili ka agravuar në përdorimin e armëve të zjarrit duke mbetur të vrarë 2 shtetas dhe plagosur shtetasi Fran Gjoka dhe një shtetas tjetër.<br /><br />Në kuadër të këtij operacioni janë ndaluar edhe dy shtetase A.I. 23 vjeçe, dhe I.K. 20 vjeçe, të dyja banuese në Vlorë.<br /><br />Edhe për këto 2 shtetase Gjykata e Rrethit Gjyqësor Kurbin me datë 05.06.2018, në mungesë, ka caktuar masën e sigurisë " Arrest me burg" për veprat penale " Fallsifikimi i dokumentave" dhe "Shitja e paautorizuar e kartave SIM" parashikuar nga nenet 186/2 dhe 293/d të Kodit Penal pasi këto shtetase kanë fallsifikuar dokumentat duke pajisur me karta SIM celulari autorët e dyshuar të këtyre ngjarjeve, shtetasin Fran Gjoka dhe ekzekutorin.<br /><br />Vazhdojnë hetimet për dokumentimin e plotë të ngjarjes për identifikimin e ekzekutorit të ngjarjeve dhe kapjen e vendosjen e tij para përgjegjësisë ligjore.<br /><br />Gjithashtu, në cilësinë e proves materiale është sekuestruar mjeti tip BMË X5 në pronësi të shtetasit Fran Gjoka.<br /><br />Materialet proçedurale i kaluan Prokurorisë së Rrethit Gjyqësor Kurbin për veprime të mëtejshme.
