Edhe pse që prej muajit Prill, ekspertët e shëndetit publik kanë nisur procesin e dezinsektimit kundër mushkonjave, sërish në kryeqytet prania e këtyre insekteve mbetet shqetësuese.<br /><br />Ekspertët thonë se lagështia ka favorizuar shtimin e tyre, ndërsa tregojnë se vetëm një sipërfaqe e vogël dezinsektohet.<br /><br />Bregdeti vazhdon të jetë një prioritet sa i takon dezinsektimit. Në të gjithë vendin janë 38 pika që i nënshtrohen këtij procesi. Specialistët thonë se në qarkullim janë disa lloje mushkonjash, një pjesë e të cilave janë edhe transmetuese të disa sëmundjeve infektive.
