Subscribe në Ora News këtu http://bit.ly/1s5j7UT<br /> <br />Largimi i të rinjve në emigracion po i detyron shumë të moshuar tu drejtohen qendrave rezidenciale. Në qendrën e të moshuarve në Fier, ku edhe për 4 vende arrihet kapaciteti maksimal, flasin për një fluks të papërballueshëm kërkesash dhe mes arsyeve kryeson emigracioni. Situatë e ngjashme raportohet në të gjitha qendrat, ndaj një pjesë e tyre strehohen larg qytetit ku kanë jetuar për pjesën më të madhe të jetës! Ndiqni historinë!<br /><br />Burbuqe Baushi: E Shita shtëpinë dhe rregullova djalin se e kisha me fëmijë dhe grua. E nisa për Itali me lekët që unë shita shtëpinë. E nisa djalin tamam si njeri. Si përfundim arrita që unë të vij në azil.<br /><br />Kjo është Burbuqe Baushi, një nga 56 rezidentët në Shtëpinë e të Moshuarve në Fier.<br /><br />Nënë e katër fëmijëve dhe banore e Tiranës, ajo është akomoduar aty prej tri vitesh, pasi sic thotë nuk arriti të gjejë një vend në kryeqytet.<br /><br />Pavarësisht se unë kërkoja Tiranën se isha vetë tironce dhe nuk kishte vende e arrita të vija këtu.<br /><br />72 vjecarja është shembulli i një fenomeni me të cilin po përballen shumë të moshuar në të gjithë vendin.<br /><br />Largimi i familjarëve në emigracion apo edhe braktisja prej tyre po shton numrin e kërkesave pranë qendrave të të moshuarve. Ndërkaq INSTAT bën të ditur se për shkak të largimit të të rinjve dhe lindshmërisë së ulët, numri i popullsisë ka rënë me 0.2%.<br /><br />Në Fier janë vetëm katër vende të lira, ndërsa drejtorja Daniela Roqi flet për fluks kërkesash të papërballueshëm.<br /><br />Për më shumë lexoni në: http://oranews.tv/article/prinderit-ne-azil-emigracioni-i-te-rinjve-shton-kerkesat-e-moshes-se-trete
