Subscribe në Ora News këtu http://bit.ly/1s5j7UT<br />Tri qendra shëndetësore me shërbim 24 në 7 ditë janë funksionale prej 1 qershorit në bregdetin e Vlorës si një prej qyteteve që pret numrin më të lartë të turistëve përgjatë sezonit turistik<br /><br />Ata janë ngritur në plazhin e Ri, plazhin e Vjetër dhe në Zvërnec.<br /><br />Mjekja Elona Gjergji, me shërbim pranë qendrës shëndetësore në plazhin Vjetër, thotë se aty ofrohet shërbim ambulator, ndërsa janë pajisur me te gjitha mjetet dhe barnat e nevojshme për ndihmën e parë.<br /><br />Elona Gjergji: "Shërbimi ka filluar që me datën 1 qershor dhe do të jetë deri më datë 15 shtator. Është një shërbim 24 orësh, ku janë dy mjekë dhe infermierë."<br /><br />Sezoni turistik ka nisur, por në bregdet ende nuk flitet për fluks pushuesish edhe për shkak të motit të paqëndryshëm që ka karakterizuar këto ditë. <br /><br />Ndaj gjatë kësaj periudhe pacientët që kanë shfrytëzuar këtë qendër shendëtësore janë më së shumti banorë të zonës se pushues.<br /><br />Elona Gjergji: "Deri tani shumica kanë qenë banorë të zonës, pushues kanë qenë shumë më pak sepse edhe numri i tyre ka qenë i pakët."<br /><br />19 mjekë dhe infermierë të rinj janë punësuar vetëm për këtë sezon turistik për të punuar në qendrat shëndetësore verore.<br /><br />Ndërkohë 17 autoambulanca janë parashikuar se do të qëndrojnë përgjatë vijës bregdetare për të ofruar ndihmën e parë dhe dërgimin e pacientëve drejt spitaleve më të afërta.<br /><br />Risi ketë vit është edhe sinjalistika e qendrave shëndetësore e vendosur fillimisht në rrugët nacionale e urbane dhe me pas pranë qendrave, të cilat kanë edhe numrin specifik të telefonit.<br /><br />Plani i masave të Ministrisë së Shëndetësisë për sezonin turistik synon shmangien e viktimave në plazhet shqiptare për shkak të mungesës së ndihmës së parë <br />Për më shumë lexoni në:<br />http://oranews.tv/article/vlore-hapen-qendra-shendetesore-turistet
