Subscribe në Ora News këtu http://bit.ly/1s5j7UT<br />Çështja e njohjes së Kosovës si shtet i pavarur nga Republika e Kinës ka qenë në fokus të një takimi mes Sekretarit të Përgjithshëm i Partisë Socialiste, Taulant Balla dhe delegacionit të Partisë Komuniste Kineze, të kryesuar nga znj. Shen Beili, Zëvendësministre në Departamentin e Marrëdhënieve Ndërkombëtare të Komitetit Qendror të Partisë Komuniste të Kinës.<br /><br />Balla i kërkoi përfaqësueses së lartë të Partisë Komuniste kineze që Kina të mbështesë pranimin e Kosovës në organizatat ndërkombëtare, si një proces që shkon në dobi edhe të dialogut mes Kosovës dhe Serbisë.<br /><br />Deputeti Balla theksoi se për Partinë Socialiste është i rëndësishëm forcimi i dialogut ndërshtetëror në të gjitha nivelet: në atë qeveritar, parlamentar, ekonomik, akademik, kulturor dhe në të gjitha fushat me interes reciprok.<br /><br />Po ashtu është shumë i rëndësishëm bashkëpunimi edhe në nivel organizatash ndërkombëtare ku të dy vendet janë anëtare.<br /><br />Palët u ndalën gjatë diskutimit të tyre në çështje konkrete të bashkëpunimit ekonomik, siç është edhe nisma 16+1.<br /><br />Balla: Për Partinë Socialiste kjo nismë është një instrument i rëndësishëm dhe një platformë e rëndësishme bashkëpunimi ekonomik, komunikimi dhe mirëkuptimi kulturor që do të përforcojë më tej marrëdhëniet bilaterale mes Shqipërisë dhe Kinës, por edhe ato multilaterale mes vendeve të 16+1. Qendra për Rininë në kuadër të nismës 16+1 duhet të vendoset në Tiranë.<br /><br />Më tej ai shtoi se tregu kinez duhet të jetë i hapur për prodhimet bujqësore shqiptare dhe ne kërkojmë ndërhyrjen partisë tuaj për eliminimin e barrierave dhe njohjen e certifikatave fito-sanitare.<br /><br />Zoti Balla gjeti mbështetjen e plotë të Zëvendësministres së Jashtme, znj. Shen Beili, Zëvendësministre e Departamentit Ndërkombëtar të Komitetit Qendror të Partisë Komuniste të Kinës në konkretizimin e kësaj nisme.<br /><br />Një tjetër projekt që u diskutua ishte edhe ai ?Një Brez dhe Një Rrugë?, ku zoti Balla theksoi se Shqipëria e ka konsideruar si një mekanizëm shtesë për të nxitur zhvillimin e koordinuar dhe progresin e përbashkët në planin shumëpalësh, por edhe bilateral në aspektet ekonomike, shoqërore, mjedisore, si dhe për të inkurajuar dialogun dhe integrimin ndërmjet civilizimeve të ndryshme.<br /><br />Kjo nisëm shikohet si një mundësi më shumë për të aplikuar dhe tërhequr investime për projekte në energji dhe infrastrukturën rrugore, detare dhe hekurudhore.<br /><br />Në përfundim të takimit palët ranë dakord për fillimin e një komunikimi intensiv dypalësh, i cili do të konkretizohet në një Memorandum Bashkëpunimi midis Partisë Socialiste të Shqipërisë dhe Partisë Komuniste të Kinës. <br />Për më shumë lexoni në:<br />http://oranews.tv/article/balla-takon-perfaqesuesit-e-partise-komuniste-kina-te-njohe-kosoven
