Gjykata e Tiranës, me kërkesë të Prokurorisë ndryshoi masën e sigurisë për Gridens dhe Marsel Allën, nga detyrim paraqitje në arrest me burg.<br /><br />Dy të rinjtë, në bashkëpunim Dejvis Bitraj që ndodhet në qeli kanë vrarë me thikë Mihalin në afërsi të stadiumit Dinamo. Gridens dhe Marsel Alla u arrestuan në Korrik të vitit të kaluar, për vrasjen e 21-vjeçarit, por u lanë të lirë me kërkesë të prokurorit Artan Lulo.<br /><br />Ky i fundit ngriti ndaj dy të rinjve akuzën për moskallëzim krimi, duke mos i bërë bashkautorë në vrasje. Këmbëngulja e prindërve të 21-vjeçarit dhe dyshimet se prokurori Lulo u kishte mohuar drejtësinë, bëri që Prokuroria t?ia kalojë çështjen prokurorit Gjergji Tako.<br /><br />Ai kërkoi ndryshimin e akuzës për të arrestuarit e tjerë dhe për rrjedhojë rikthimin e tyre në burg. Ndërsa Prokuroria e Krimeve të Rënda ka nisur një verifikim për lirimin e tre personave pas kallëzimit të familjarëve të Marvi Mihalit.<br /><br />Por Prokuroria nuk ka kërkuar ndryshimin e masës për personin e katërt, i cili u prangos për këtë ngjarje, Eugen Bitraj, i cili do gjykohet në gjendje të lirë.
