Subscribe në Ora News këtu http://bit.ly/1s5j7UT<br />Rrethanat e vdekjes në Itali të 20 vjeçares Anxhela Meçani mbeten të mbuluara me mister, ndërsa familja në qytetin e Fierit kërkon ndihmën e shtetit për zbardhjen e vrasjes dhe kthimin e trupit të pajetë për nderimet e fundit! I ati, Dritan Meçani thotë se nuk i ka mundësitë financiare për procedurat.<br /><br />Meçani: Ekonominë e kam shumë të këputur. Dua që vajza të vijë në Shqipëri me ndihmën e shtetit.<br /><br />20 vjeçarja sipas mediave italiane u dhunua dhe u hodh në rrugë nga një makinë në qytetin e Torinos, ndërsa ndërroi jetë në spital si pasojë e plagëve të marra.<br /><br />Edhe familja nuk di më shumë detaje nga ngjarja, ndaj apelon për një hetim të plotë të krimit.<br /><br />Izet Veizaj, gjyshi: A u hodh vet a e hodhën të tjerët, ajo ishte shumë e dërrmuar nga pjesët e brendshme të trupit.<br /><br />20 vjecarja Meçani ishte larguar drejt Italisë në muajin dhjetor bashkë me një të ri nga Fieri, i cili në një bisedë me një të afërme të 20 vjeçares thotë se atje viktima ishte celebruar me një italian për dokumente. Emri i tij nuk bëhet i ditur, por sipas këtij regjistrimi, dëshmitari mohon që e reja të punonte si prostitutë, variant ky i publikuar nga mediat italiane.<br /><br />Biseda audio: <br /><br />Gruaja: Anxhelën kush e vrau?<br /><br />Djali: Nuk ka pasur kërcënime as unë as ajo.<br /><br />Gruaja: Punonte Anxhela?<br /><br />Djali: Jo!<br /><br />Anxhela Meçani ndërroi jetë në spitalin e Torinos, sipas raportimeve për shkak të dëmtimeve në organet e brendshme si pasojë e hedhjes nga makina por edhe dhunës. Trupi i saj mbetet ende atje në pritje të procedurave për t'u rikthyer në Shqipëri për lamtumirën e fundit.<br /><br />Për më shumë lexoni në: http://oranews.tv/article/vrasja-e-20-vjecares-ne-itali-babai-shteti-te-na-ndihmoje-kthimin-e-trupit
