http://www.vizionplus.tv<br />https://facebook.com/VizionPlusTV<br />https://instagram.com/vizionplustelevizion<br />https://twitter.com/VizionPlusTV<br /><br />Prokurori i Apelit të Tiranës Gentian Trenova, rrezikon seriozisht të mos kalojë vetingun.<br /><br /> <br /><br />Hetimi i Komisionit të Pavarur të Kualifikimit tregoi se prokurori, kandidat për Këshillin e Emërimeve në Drejtësi ka fshehur pasurinë, ka bërë deklarim të rremë për 12 mijë euro dhe mungesë të burimeve financiare të ligjshme, veprime që cenojnë figurën e magjistratit. Probleme që lidhen me mos justifikimin e ndërtimit të një shtese të apartamentit të tij.<br /><br /> <br /><br />Por për avokatin e prokurorit Trenova, gjithçka është sqaruar.<br /><br /> <br /><br />Problemet e Trenovës lidhen edhe me figurën profesionale. Komisionerët e vetingut, kanë evidentuar faktin se ai ka pushuar hetimet mbi pasurinë e një të arrestuari nga policia greke për trafik droge.<br /><br /> <br /><br />Sipas Komisionit, për këtë procedim kishte përgjime për përfshirjen e një prokurori me inicialet A.K. Por çështja u mbyll nga Trenova, pasi Gjykata pranoi kërkesën e tij për asgjësimin e përgjimeve.<br /><br /> <br /><br />Megjithë faktet e prezantuara nga Komisioni, Trenova ka kërkuar konfirmimin në detyrë.
