Subscribe në Ora News këtu http://bit.ly/1s5j7UT<br /><br />Teatri i Operës dhe Baletit sjell ?Liqenin e Mjellmave? të Çajkovskit me dy solistë të rinj. Koreografja Enada Hoxha ua ka besuar rolin e fisnikut të dashuruar Anxhelo Muçollarit dhe Fatjon Litos, të cilët nga sot nisin një karrierë në linjën e parë të trupës së baletit.<br /><br />Rusia është qendra e botës këto ditë me futbollin. Për Enada Hoxhën Rusia e Çajkovskit është këtu, në Pallatin e Kongreseve, të shtunë e të diel. Baletmaestër dhe njëherësh koregrafe e ?Liqenit të Mjellmave?, ajo duhet të ndjekë funksionin e gjithçkaje teknike në skenë.<br /><br />Enada Hoxha: Kjo është e pashmangshme, duke qenë një vepër e jotja do të doja që gjithmonë të jem kuruese në detaj të gjërave duke nisur nga skenografia dhe më pas me anën e ndriçimit. Është si nëna për fëmijën që kujdeset deri në fund. Unë do ti qëndroj në kokë veprës derisa ajo të finalizohet.<br /><br />Enada ka qenë soliste absolute e trupës së baletit prej moshës 18-vjeçare e për gati 15 vjet me radhë.<br /><br />Sot ajo dhe partneri i saj në jetë dhe në skenë Gerd Vaso tërhiqen për t?ua lënë vendin dy solitëve të rinj, të sapozgjedhur solistë të parë të Teatrit të Operës dhe Baletit Anxhelo Muçollari e Fatjon Lito.<br /><br />Fatjon Lito: Ndoshta është shumë e lehtë për ta fituar këtë lloj pozicioni dhe shumë e vështirë për ta mbajtur. Duhet të derdhësh çdo ditë djersë dhe duhet të punosh me një dëshirë dhe me një pasion.<br /><br />Anxhelo Muçollari: Besoj se sa të jetë mundësia fizike, shpirtërore dhe ego. Por mendoj se shpirti nuk do të vdesë kurrë, vetëm mundësia fizike do të jetë limiti.<br /><br />Për më shumë lexoni në: http://www.oranews.tv/article/rusia-zbret-edhe-ne-pallatin-e-kongreseve-liqeni-i-mjellmaveme-soliste-te-rinj
