http://www.vizionplus.tv<br />https://facebook.com/VizionPlusTV<br />https://instagram.com/vizionplustelevizion<br />https://twitter.com/VizionPlusTV<br /><br />Ndërsa dy ministrat e Jashtëm të Maqedonisë dhe Greqisë Nikolla Dimitrov dhe Nikos Kotzias pritet të nënshkruajnë të dielën në Prespë marrëveshjen për zgjidhjen e problemit të emrit, Greqia është përfshirë nga kaosi.<br /><br /> <br /><br />Qindra mijëra protestues kanë bllokuar rrugët e Athinës në protestën 3 ditore kundër marrëveshjes. Tubuesit thanë se ndihen të tradhtuar nga qeveria.<br /><br /> <br /><br />Ndërkohë qeveria greke debatoi në parlament lidhur me kërkesën e opozitës për një mocioni mosbesimi.<br /><br /> <br /><br />Por kaosi është thelluar edhe më tej pas përjashtimit nga seanca dhe urdhrit për arrestimin e deputetit të partisë ekstremiste ?Agimi i Artë?, Kostandinos Barbarusis. Ky i fundit bëri thirrje për grusht shteti në mënyrë që të shmangej firmosja e marrëveshjes mes Greqisë dhe Maqedonisë.<br /><br /> <br /><br />Megjithëse shumë forca policie janë vënë në ndjekje të tij, ende nuk është bërë i mundur ndalimi i deputetit, duke shënuar kështu rastin e parë në vend që një deputet nuk i bindet urdhrave të autoriteteve.<br /><br /> <br /><br />Ndaj tij rëndojnë akuzat për tradhti të lartë? dhe ?tentativë për rrëzim me dhunë të rendit politik të vendit?. Debatet në parlamentin grek pritet të vazhdojnë edhe këtë të shtunë.<br /><br /> <br /><br />Marrëveshja për emrin e Maqedonisë mes kryeministrave Cipras dhe Zaev u arrit mes debatesh.<br /><br /> <br /><br />Edhe në Shkup partia opozitare VMRO-DMNE pritet të ndërmarrë një marsh protestues kundër marrëveshjes që do të firmoset në Prespë mes ministrave të jashtëm të Maqedonisë e Greqisë të dielën, ku do të jenë të pranishëm edhe dy kryeministrat, Zoran Zaev dhe Aleksis Csipras, ndërmjetësi Metju Nimc, Shefi i Kombeve të Bashkuara Atonio Guterres dhe Përfaqësuesja e Lartë e Bashkimit Evropian për Politikë të Jashtme dhe Siguri, Federika Mogherini.<br /><br /> <br /><br />Çështja e emrit është bërë pengesë për pranimin e Maqedonisë në Bashkimin Europian dhe në NATO, ndaj dhe marrëveshja e12 qershorit i hap rrugë integrimit të vendit, por i jep fund edhe një konflikti 27 vjeçar mes Greqisë dhe Maqedonisë. Komuniteti ndërkombëtar, Departamenti Amerikan i Shtetit, BE dhe NATO përshëndetën marrëveshjen e arritur mes dy palëve.
