Kështu ka degraduar rruga Tiranë ? Durrës. Pothuajse i gjithë segmenti prej 33 kilometrash është mbuluar me gropa, duke u bërë në shumë raste burim aksidentesh. Për këtë arsye Autoriteti Rrugor nisi edhe ndërhyrjen emergjente për të bërë një rehabilitim të pjesshëm të këtij aksi. Por drejtori i ARRSH-së Afrim Qëndro, thotë se punimet që po bëhen sot nuk janë zgjidhje përfundimtare. <br />"Nuk janë të mjaftueshme, janë ndërhyrje emergjente për të mbushur gropat. Rruga kërkon rehabilitim të thellë".<br /><br />Për herë të parë pas 17 vjetësh rruga do t?i nënshtrohet një rikontruksioni të plotë, i cili do të nisë nga Kashari deri në Durrës. Në segmentin sheshi ?Shqiponja? - Kashar nuk do të ndërhyet pasi, zgjerimi i saj është bërë disa vite më parë. <br />"Në vjeshtë do të nisin punimet për rehabilitimin e plotë të rrugës Tiranë ? Durrës. Studimi është bërë gati nga Autoriteti Rrugor Shqiptar dhe tashmë mbetet vetëm gjetja e financimit".<br /><br />Banka Botërore refuzoi financimin e rikonstruksionit të kësaj rruge, e cila sipas studimit fillestar shkonte në vlerën e 11 milionë Eurove. Tashmë është qeveria ajo që po përpiqet të gjejë paratë, të cilat do të kenë një fond më të madh se ai i Bankës Botërore. <br />"Nëse do të bëhej me kontraktorin e Bankës Botërore që sot ka mirëmbajtjen e këtij aksi do ta kishim 30% më lirë, nuk kemi nxjerrë koston reale, por do të jetë më shumë se 11 milionë Euro".<br />Punimet do të nisin në vjeshtë dhe do të zgjasin mbi 6 muaj. <br />"Sa të përfundojë projekti, të hapim dhe tenderin, në vjeshtë do të nisim me punimet".<br />Punimet do të bëhen mbi aksin aktual dhe nuk do të ketë zgjerim, projekti për zgjerimin e korsive është një tjetër i cili po studiohet nga një grup i Ministrisë së Infrastrukturës për të gjetur financimin e për të vendosur nëse rruga do të bëhet apo jo me pagesë. <br />"Nëse do të bëhet apo jo zgjerimi që të vihet në zbatim një projekt që ARRSH e ka gati, vendimi nuk na takon ne. Por di që Ministria është duke disktuar alternativat".<br />Projekti i rehabilitimit të plotë të rrugës Tiranë-Durrës synon kthimin e standardeve të dikurshme të rrugës, e cila sot nuk arrin të ketë një cilësi për të merituar fjalën autostradë.
