Kjo është Violeta Donaj, 36-vjeçarja e cila mëngjesin e së dielës vrau me pistoletë bashkëshortin e saj Kujtim Donaj në tregun e Milotit. Në këto pamje shihet e reja teksa është ndaluar nga policia pak momente pas krimit.<br /><br /><br /><br />Ajo duket e shokuar pas ngjarjes, ndërsa ka shpërthyer në lot.<br /><br />Pas një grindjeje Violeta Donaj, shkrehu 4 herë armën ndaj të shoqit në këtë tezgë të tregut duke e lënë të vdekur në vend.<br /><br />Në këtë treg çifti shiste çdo fundjavë rroba të përdorura për të ushqyer familjen. Nga hetimet e para sipas burimeve të policisë, mësohet se grindjet në çift kanë shoqëruar bashkëjetesën e tyre. Sipas policisë shkak i konfliktit dyshohet se është bërë konsumimi i alkoolit dhe frekuentimi i lojërave të fatit nga Kujtim Donaj.<br /><br />Dëshmitarët thanë se bashkëshorti kishte kërkuar nga 36-vjeçarja, 10 mijë lekë të vjetra, të cilat ishin mbledhur nga shitja në treg. Këtu nisi edhe konflikti mes tyre, çka bëri që gruaja të shkrehë armën ndaj babait të dy fëmijëve.<br /><br />Hetuesit po verifikojnë nëse çifti ka pasur rekorde apo denoncime ndaj njëri-tjetrit në polici më parë.<br /><br />36 ?vjeçarja para ka pranuar autorësinë e krimit dhe është dërguar në komisariatin e Laçit ku edhe është marrë në pyetje nga oficerët e krimeve.<br /><br />Tv Klan
