Pas disa javësh mungesë në mbledhjet e grupit parlamentar, Edi Rama është rikthyer këtë të hënën me vrull, vërejtje e kritika.<br /><br />Nga mbledhja me dyer të mbyllura, Report Tv ka mësuar se kryeministri Edi Rama ka qenë kritik me deputetët socialistë, të cilëve iu ka shprehur dy shqetësime: performancën e dobët të drejtuesve të institucioneve, dhe ndërhyrjet e deputetëve në punimet në shtet. <br /><br />Rama ka kritikuar deputetët se ata nuk janë aty ku njerëzit kanë halle, raporton gazetarja Esiona Konomi. <br /><br />Bëni kujdes me qytetarët. Problemet që ngrihen nga njerëzit vijnë si pasojë e paaftësisë së drejtorëve tanë.<br /><br />Shpërndahuni nëpër zona dhe të jeni sa më pranë qytetarëve. Ata kanë halle, pse ju nuk jeni pranë tyre?<br /><br />Edi Rama, kryeministër, deklarata brenda grupit të PS-së<br />Ky nivel i ulët i drejtorëve dhe administratës, sipas Ramës vjen sepse punësimet bëhen akoma me influenca politike. <br /><br />Mos u merrni me punësime e SMS. Punësimet në administrate duhet të bëhen përmes konkurseve. Lërini konkurset të funksionojnë.<br /><br />Edi Rama, kryeministër, deklarata brenda grupit të PS-së
