Subscribe në Ora News këtu http://bit.ly/1s5j7UT<br />Arkitektët dhe urbanistët janë shprehur pro prishjes së Teatrit Kombëtar duke dhënë alarmin se godina aktuale paraqet rrezik. Në dëgjesën publike me kryetarin e Bashkisë së Tiranës, ata shpalosën argumentet se përse ky objekt nuk i reziston më kohës.<br /><br />Agron Hysenlliu, nga Instituti i Ndërtimit, tha se në këtë institucion kulturor nuk ka mbetur më asgjë nga ana infrastrukturore.<br /><br />Agron Hysenlliu: Në pjesën arkitektonike që është kryer nga grupi i Institutit të Ndërtimit që është përbërë nga 13 inxhinerë, është parë që nuk ka kushtet më minimale për kryerjen e një aktiviteti kulturore të kësaj natyre.<br /><br />Drejtori i shërbimit zjarrfikës, Altin Goxhaj, tha se është kërkuar edhe ndalimi i funksionimit të Teatrit Kombëtar.<br /><br />Altin Goxhaj: Nga raportet tona kemi që në 2001-2002 në këtë institucion nga ana e Drejtorisë së Përgjithshme të Shërbimit Zjarrfikës në Ministrinë e Brendshme është lënë një akt ? kontroll bllokimi për aktivitetin e këtij institucioni. Në këtë vit është kërkuar që ky institucion të bllokohet të mos vijojë më aktivitetin.<br /><br />Në lidhje me debatin rreth vlerave të godinës së Teatrit, këshilltarja e ministrisë së Kulturës, dhe përfaqësuesja e monumenteve të kulturës, tha nuk është përfshirë as në listën e monumenteve të kategorisë së dytë.<br /><br />Këshilltarja e ministrisë së Kulturës: Në vitin 2004, Komisioni i Këshillit Shkencor ka rezultuar në një konkluzion të tillë që ky objekt nuk mbart vlera.<br /><br />Ndërkohë, kryetari i Bashkisë, Erion Veliaj, kërkoi nga ata që shqetësimet që ngritën tua shprehnin aktorëve në një dëgjesë të posaçme.<br /><br />Erion Veliaj: Ajo që ndoshta do tju kërkoj është që me një përfaqësi të aktorëve, unë megjithë dashamirësinë, gjithësesi ka një funksion publik-politik, ndryshe është kur i dëgjojnë nga ju. Kështu që unë jam gati që dëgjesën tjetër tju kemi përballë dhe të flasim vetëm nga ana teknike. <br /><br />Nga ana tjetër, aktorët janë shprehur të vendosur në qëndrimin e tyre kundër shembjes së godinës aktuale, teksa prej ditësh protestojnë kundër shembjes së Teatrit Kombëtar. <br />Për më shumë lexoni në:<br />http://oranews.tv/article/arkitektet-dhe-urbanistet-njezeri-godina-e-teatrit-duhet-te-rindertuar
