Subscribe në Ora News këtu http://bit.ly/1s5j7UT<br />Lek Frroku i akuzuar si organizator i skemës së tjetersimit të pronave në zonen e Ranës së Hedhun në Shëngjin, ka hedhur akuza në drejtim të Prokurorisë së Lezhës. Deklaratat Frroku i bëri nga ambientet e gjykatës ku ishte paraqitur për zevendesim të mases së sigurisë.<br /><br />Frroku tha se prona në fjalë është ndarë që në vitin 2002 dhe ai dhe pjestaret e tjerë të familjes së tij e kanë blerë këtë prone dhe se nuk ka asnjë lidhje me këtë çështje.<br /><br />Megjithatë, ai pranoi se persona të pa shkolluar në administratë, kanë lëshuar dokumente për marrje toke në pronësi edhe për një gotë raki siç preferoi të shprehej Frroku.<br /><br />Lek Frroku: Ato prona janë shpërndarë që në vitin 2002 nga kryepleqnit e fshatrave se këtu me një gotë raki, me 50 mijë lekëshe?se kur janë në administratë njerëz pa shkollë kështu vazhdon.<br /><br />Sipas Frrokut organi i akuzes po vepron në me dy standarte.<br /><br />Lek Frroku: Prokuroria po luan me dy standarde sepse për të njëjtën akuzë dhe për akuza edhe më të rënda, Prokuroria ka zëvendësuar masën e sigurimit. Unë ndoshta seancën tjetër do kërkoj edhe dorëheqjen e Prokuror nuk ma merr mendja të kalojë vettingun për një arsye se së pari duhet ti kontrollohen dëftesat. Vetëm janë futur zyrtarët e PD dhe të LSI, asnjë zyrtar tjetër. Është folur për një dosje tjetër, pse prokuroria nuk e nxjerr këtë dosjen tjetër.<br /><br />Lek Frroku i cili ka aktiviete biznesi në lezhë, është vënë nën akuzë për tjetersimin pronave tek Rana e Hedhun, ndërsa vijon të qëndrojë në arrest shtëpie prej më se dy muajsh.<br /><br />Ai ka kërkuar në Gjykaten e Lezhës zevendesim të mases së sigurisë dhe seanca në ngarkim të tij u shty dhe do të zhvillohet me datën 20 qershor. Për tjetersimin e pronave në Shëngjin në muajin mars u arrestuan disa përsona mes tyre dhe kryetari i bashkisë së Lezhës, nënkryetari dhe anëtarë të këshillit bashkiak. Shumica prej tyre u lanë të lirë më pas nga gjykata. <br />Për më shumë lexoni në:<br />http://oranews.tv/article/lezhe-i-akuzuari-tjeterism-pronash-akuza-prokurorise
