Deklarata e bërë nga zv/Ministri i Brendshëm, Julian Hodaj për televizionin gjerman ?ZDF? se Shqipëria ka kapacitet për të pritur 600 mijë emigrantë përplasi në komisionin e sigurisë opozitën me maxhorancën.<br /><br />Demokrati Flamur Noka foli për një skenar që sipas tij synon ta kthejë Shqipërinë në strehën e mafias për trafikun e qenieve njerëzore.<br /><br />?Doni ta ktheni Shqipërinë në thundrën e ISIS-it, ta ktheni Shqipërinë në Siri. Janë bërë gati 300 skafe të mafies dhe Shqipëria do kthehet në një vend ku mafia do organizojë biznesin e trafikut të qenieve njerëzore. Shqipëria do bëhet vend që do kesh mall të shohësh shqiptarë se do jenë iranianë, pakistanezë, e shqiptarët do jenë pakicë.?<br /><br /> ?Të mos biem ne kurthin e opozitës, të merremi me dhunën në familje.? u përgjigj deputeti i PS, Pjerin Ndreu.<br /><br />Ndërsa Klevis Balliu tha: ?Po zëvendësohet populli i Skenderbeut me popullin e Sulltan Mehmetit. I sjellin për shkak të një marrëdhënieje shumë të afërt që ka ky zotëria me një të afërt të Bashar al Asadit, Erdoganin.?<br /><br />?Çfarë është këtu kopsht apo çerdhe? Ke ngatërruar derë?, reagoi Felaj.<br /><br />Pas debateve opozita braktisi mbledhjen e komisionit të sigurisë.<br /><br />Ndërsa në një tjetër komision, atë të ekonomisë ata që braktisën mbledhjen ishin deputetët e maxhorancës.
