Subscribe në Ora News këtu http://bit.ly/1s5j7UT<br /><br />Emisioni investigativ ?BOOM?nën drejtimin e prezantueseve Fiori Dardha dhe Rozana Radi, vijoi me denoncimin e shkeljeve që i bëjnë njëherazi institucionet, ligjit për shërbimin publik të varrimit si dhe atij për gjendjen civile.<br /><br />"BOOM" e thelloi investigimin marrë shkas nga denoncimi i një nate më parë i rastit të Sami Murataj nga Paskuqani, bashkëshortja e të cilit edhe pse është varrosur që më 29 dhjetor 2017, për shtetin shqiptar vazhdon të jetë ende gjallë, pasi në regjistrin e gjendjes civile nuk është bërë ç`regjistrimi i saj.<br /><br />Në fokus të emisionit të kësaj të mërkure, ishte skema e funeraleve në vendin tonë, si funksionon, si shkelen procedurat, ligjet, si funksionon çdo gjë me miqësi dhe njohje. Me pak fjalë të bësh pazar edhe vdekjen.<br /><br />Ja çfarë thotë Agjensia Funerale në Kamëz për rastin e Sami Murataj.<br /><br />Agjencia funerale: Për shembull më vdiq nëna mua, unë marrë skedën e vdekjes te mjeku i familjes ose në spital, ose në morg dhe e çoj në gjendje civile. Nga andej del kjo leja e varrimit që mua më duhet për ta dorëzuar në Bashki.<br /><br />Gazetarja: Si është realizuar varrimi nga ju, nga përgjegjësi që e ka lejuar, nga Bashkia, nëqoftëse ky s`ka marrë as lejen e varrimit dhe as nuk është ç`regjistruar?Kjo është pyetja ime.<br /><br />Agjencia funerale: Jo mo, ti ke shumë të drejtë për këtë.<br /><br />Gazetarja: Si ka ndodhur kjo?<br /><br />Agjencia funerale: Po ne s`na ka ndodhur ndonjëherë kjo punë.<br /><br />Gazetarja: Pa nxjerrë ai lejen e varrimit ti s`ke të drejtë ta varrosësh.<br /><br />Agjencia funerale: Po leja e varrimit i ka shku atij atje lart.<br /><br />Gazetarja: Nuk i ka shkuar askujt,se unë isha dhe të gjendja civile dhe gjendja civile tha unë e kam të gjallë këtë person akoma.<br /><br />Agjencia funerale: Vdiq tani ai, shkova mora skedën e vdekjes unë, skedën e vdekjes ma dorëzon mua, unë shkoj e bëj pagesën në shtet edhe marrë këto letrat , urdhrin e punës.<br /><br />Gazetarja: Cilat letra merrni ju kur bëni pagesën ?<br /><br />Agjencia funerale: Urdhrin e punës.Marr urdhrin e punës që të varroset filoni në këtë orë dhe ja jap përgjegjësit atje sipër.<br /><br />Gazetarja: Data e varrimit 29.12.2018, 2018 e ka shkruar ndërkohë që data e varrimit është 2017 , a e kupton se çfarë letre ka bërë ....i 12 .2018 nuk ka ardhur akoma.<br /><br />Agjencia funerale: Po ç`të them unë, unë po e shoh.<br /><br />Gazetarja: Ora 14:00 ndërkohë që ju më thatë ora e varrimit ka qenë 11:00.<br /><br />Agjencia funerale: Është kjo Bashkia e Kamzës. Ato që s`i kanë mend aty, shih si e kanë bo.<br /><br />Gazetarja: Ju thoni lejen e varrimit duhet ta shohin këta që lëshojnë urdhrin e punës?<br /><br />Agjencia funerale: Po.Se thonë edhe kështu, është ajo fjala jote që the ti:Hë se e kom mik unë, hë se e bëjmë pasnesër.<br /> <br />Për më shumë lexoni në: http://oranews.tv/article/boom-ja-si-funksionon-skema-e-funeraleve-ne-shqiperi-pazar-edhe-me-vdekjen
