Fermerëve dhe sipërmarrësve të interesuar për të përfituar financim në masën 50 përqind për investime në agroturizëm dhe bujtina u ofrohet një shans i dytë. Agjencia e Zhvillimit Bujqësor dhe Rural ka rihapur aplikimet e reja, në të cilat reflektohen edhe ndryshimet e bëra së fundmi për këto masa nga Ministria e Bujqësisë.<br /><br />Drejtoresha e Agjencisë së Zhvillimit Bujqësor dhe Rural, Frida Krifca thotë se për agroturizmin janë vënë në dispozicion 122 milionë Lekë.<br /><br />"Janë vënë në dispozicion 122 milionë Lekë, priten të shpallen fitues 12 aplikantë, për bujtinat janë vënë në dispozicion 32 milionë Lekë dhe është parashikuar të mbështeten 22 aplikantë".<br /><br />Mbështetja do të vijë për ato projekte që ruajnë identitetin e zonave, nxisin zhvillimin rural, agroturizmin për një qëllim final, siç është ai i tërheqjes së vizitorëve.<br /><br />Afati për dorëzimin e aplikacioneve bashkë me dosjen dhe dokumentacionin përkatës është data 15 Korrik 2018.
