Subscribe në Ora News këtu http://bit.ly/1s5j7UT<br />Kapja e 3.4 mln lekëve në portin e Durrësit u shndërrua në debat të ashpër në Komisionin parlamentar të Shëndetësisë mes mazhorancës dhe opozitës.<br /><br />Në Komisionin e Shëndetësisë, rendi i ditës ishte për disa ndryshime në ligjin ndaj dhunës në marrëdhëniet familjare, por debati politik u dominua nga çështja e kapjes së 3.4 mln euro në Portin e Durrësit.<br /><br />Opozita në komisionin parlamentar tha se Edi Lika, pronari i trajlerit i arrestuar nga policia, është dënuar nga Gjykata e Apelit me 6 muaj burg për dhunë në familje dhe nëse ai do të kryente burgun nuk do të përdorej për trafik droge.<br /><br />Në cilësinë e kryetares së Komisionit pasi Petrit Vasili mungoi, Elisa Spiropali kërkoi që faktet të denoncoheshin në prokurori.<br /><br />Ervin Salianji: Ky vendimi këtu dënon një person me 6 muaj burg. Ja ku është vendimi i gjykatës së Apelit. I pandehuri është Edi Lika, personi që kapet nga 3.4 milionë euro 'Tojota Yaris' dje në portin e Durrës. Vendim gjykate që dënon këtë personin. Ky zotëria që është dënuar nuk e vuan dënimnin sepse ky zotëria këtu thotë bashkë me çunin e vet thotë në fb: Policia është me ne. Ne bëjmë sikur prodhojmë ligje, ai dënohet nëpër gjykata, kapet dhe me 5 milion euro se ka lidhje me strukturat e shtetit dhe policisë dhe drejtuesve. Policia e ka kapur vetëm për një arsye, të mos shkojë hetimi deri në fund dhe të mos zbulohet kreu i grupit të strukturuar kriminal. Edi Lika i dënuar për dhunë në familje. Në vend ta kishe në burg për dhunë në familje, ti e përdor për drogë.<br /><br />Elisa Spiropali: Shkoni në Prokurori dhe dëshmoni.<br /><br />Bardh Spahia: Qeshët të gjithë juve kur u denoncua në seancë plenare, më shumë qeshi pronari i 'Tojota Yaris', kreu i grupit tuaj parlamentar.<br /><br />Klevis Balliu: Zonja kryetare. A ka mundësi, se nuk po shkojmë dot në një Komision me mbajt një fjalë. Shko tek Ulsiu, nuk të jep fjalën. Shko tek Braçe jo. A ka mundësi të na e japësh fjalën? Zonja kryetare nuk do të kalojë asnjë lloj neni këtu pa marrë fjalën opizita dhe e keni kot. Do marrë fjalën opozita dhe pastaj do të diskutohet.<br /><br />Komisioni nuk mund të kishte një ecuri normale diskutimi, përplasjet verbale mazhorancë-opozitë vijuan me tone të ashpra.<br /><br />Mbledhja u ndërpre dhe në rikthim të diskutimit, Spiropali tha se sjellja e deputetëve kërkon ndjesë publike. <br />Për më shumë lexoni në:<br />http://oranews.tv/article/salianji-pronari-i-trajlerit-qe-u-ndalua-34-mln-euro-i-denuar-dhune-ne-familje
