Dy ditë para samitit të Këshillit Europian, Komisioneri për Zgjerimin Johannes Hahn i bën thirrje vendeve të unionit të hapë negociatat e anëtarësimit me Shqipërinë dhe Maqedoninë. Deutsche Welle shkruan se gjatë konferencës ndërqeveritare të së hënës në Luksemburg, Hahn vlerësoi Shqipërinë për zbatimin e Reformës në Drejtësi dhe vetting-un.<br /><br />?Të gjithë jemi të ndërgjegjshëm, se sa e rëndësishme është dhënia e një sinjali pozitiv në rajon. Kemi arritur shumë, nëse shihni arritjet në rajon, sidomos në muajt e kaluar. Të gjitha janë rezultat i perspektivës europiane?.<br /><br />Komisioni i Zgjerimit shpjegon edhe rrezikun që i kanoset rajonit, nëse Brukseli nuk hap dritën jeshile.<br /><br />?Nëse kjo nuk do të shpërblehet në mënyrë kuptimplotë, mendoj se do të ketë ndikim të jashtëzakonshëm dhe të menjëhershëm në stabilitetin rajonal?.<br /><br />Në të njëjtën linjë me Komisionerin Hahn ishte edhe Kryediplomatja europiane, Federika Mogerini, e cila të hënën kërkoi që Bashkimi Europian të jetë konsistent dhe të shpërblejë përpjekjet e dy vendeve.<br /><br />Tv Klan
