Subscribe në Ora News këtu http://bit.ly/1s5j7UT<br />Prokuroria e Durrësit vijon hetimet për të zbuluar personat e tjerë të përfshirë ne transportin e 3.4 milion eurove nëpërmjet Portit të Durrësit. Deri tani të katër të arrestuarit e kanë mohuar të kenë patur dijeni për sasinë e parave të gjetura në dy automjetete ndërsa vijojnë kërkimet për dy kushërinjtë Vladi. E gjithë sasia e valutës është dërguar në Bankën e Shqiperisë për llogari të prokurorisë në ruajtje për të mos u hedhur në qarkullim. Ndërkohë dosja do ti kalojë Krimeve të Rënda duke u shtuar të akuzuarve edhe akuzen e grupit te strukturuar kriminal. <br /><br />Tirane- Katër personat e arrestuar për sasinë e 3 milion e 470 mije euro, që u bllokua mesditën e së dieles, 24 qershor, në portin e Durresit pritet të dalin në gjykatën e këtij rrethi për tu vleresuar më masën e sigurisë.<br /><br />Më pas çështja pritet ti kalojë Prokurorisë së Krimeve të Rënda pasi ndaj tyre krahas akuzave të referuara nga policia, do ti shtohet edhe akuza e grupit të strukturuar kriminal, që është kompetencë hetimi nga Prokuroria e Krimeve te Rënda.<br /><br />Ndërkohë vijojnë hetimet për identifikimin e personave të tjerë të përfshirë në këtë ngjarje.<br /><br />Burimet thonë se deri tani dyshohet se personat që janë arrestuar por edhe dy kushërinjtë Vladi që janë shpallur në kërkim, kanë vetëm rolin e transportuesit, ndërsa të tjerë persona dyshohet se fshihen pas sasisë së parave.<br /><br />Mësohet se e gjithë vlera e valutes së sekuestruar është dërguar për tu ruajtur në Banken e Shqiperisë për llogari të Prokurorisë së Përgjithshme, ndërsa disa prej kartmonedhave u është bërë edhe ekspertiza për të evidentuar gjurmët e gishtave dhe nese në ndonjeren prej tyre ndodhen gjurmët e të arrestuarve.<br /><br />Gjithashtu për ekspertim janë dërguar edhe radio e policisë dhe arma e gjetur ne shtepine e shoferit 61 vjeçar.<br /><br />Deri tani të arrestuarit mesohet se kanë mbajtur qëndrim mohues, duke mos pranuar të kene patur dijeni për sasitë e parave që ndodheshin në dy automjetet.<br /><br />Alban Mollaymeri ka pohuar se ishte kontaktuar nga Alfred Vladi për të blere disa automjete per kompanine e tij, e cila nga verifikimet rezulton e e hapur në maj të këtij viti.<br /><br />Hetimet janë përqëndruar edhe ne dy personat, të cilët janë shpallur në kërkim. Burime nga grupi hetimor pohojne se kanë nisur verifikimet në lidhje me aktivitetin e tyre ndërsa dyshohet se ata janë larguar nga Shqipëria menjëhere sapo kanë mësuar se janë zbuluar. <br />Për më shumë lexoni në:<br />http://oranews.tv/article/hetimet-transportin-eurove-te-arrestuarit-do-te-akuzohen-grup-te-strukturuar-kriminal
