Report Tv ka zbardhur detaje të reja nga plagosja me armë zjarri mbrëmjen e kaluar në Kinostudio, ku dyshohet se janë përplasur dy grupe rivale. Mësohet se ka pasur shkëmbim zjarri mes disa personave, të cilët janë konfliktuar në një pikë bastesh.<br /><br />Më pas, sherri ka vijuar edhe në rrugë, ku personat e përfshirë në konflikt kanë nxjerrë armët dhe kanë qëlluar njëri-tjetrin. Policia konfirmon se janë plagosur tre persona, njëri prej të cilëve ndodhet në gjendje të rëndë shëndetësore.<br /><br />Report Tv sjell foto nga vendngjarja, ku janë regjistruar 15 të shtëna, ndërsa policia ka gjetur disa gëzhoja. Nuk dihen ende shkaqet e konfliktit, ndërsa policia vijon hetimet për të zbardhur ngjarjen e plotë, ku ka shoqëruar katër persona për t'i marrë në pyetje.<br /><br />Informacioni paraprak i policisë:<br />Më datë 28.06.2018, rreth orës 23:54 në rrugën ?Aleksandër Moisiu?, kanë mbetur të plagosur me armë zjarri nga persona ende të paidentifikuar, shtetasit J. M., 24 vjeç, R. M., 36 vjeç dhe I. D., 28 vjeç.<br /><br />Shtetasit e dëmtuar aktualisht ndodhen në spital ku po marrin ndihmë mjekësore (dy nga të dëmtuarit ndodhen jashtë rrezikut për jetën, ndërsa një në gjendje më të rëndë shëndetësore).<br /><br />Po punohet identifikimin dhe kapjen e autorëve dhe për zbardhjen e shkakut dhe rrethanave të ngjarjes.
