Subscribe në Ora News këtu http://bit.ly/1s5j7UT<br />Punimet për rehabilitimin e autostradës Tiranë-Durrës po përkthehet në kosto financiare për bizneset që ushtrojnë aktivitet përgjatë rrugës. <br />Ata ngrenë shqetësimin se punimet dhe devijimi i qarkullimit gjatë ditës u ka paralizuar punën, çka për ta përkthehet në humbje financiare. <br />Thuajse të gjitha subjektet nga Ura e Dajlanit deri në Sukth, ku janë vendosur disa prej taksapaguese më të mëdhenj, jashtë kamerave thonë se nuk mund të ushtrojnë normalisht veprimtaritë tregtare. <br />Bizneset kërkojnë që punimet të kryhen gjatë natës, model që aplikohet në të gjithë vendet e Europës ose të gjenden rrugë alternative. <br />Të martën përfundoi puna për riparimin e kahut të lëvizjes nga Tirana në Durrës, ndërsa këtë të mërkurë ka nisur puna në sensin tjetër. <br />Për këtë arsye këtë të mërkurë rruga ka devijuar në mbikalimin e Shkozetit për të zbritur sërish në autostradë në Sukth. <br />ARRSH pranoi se për shkak të kushteve meteorologjike, punimet nuk kanë një afat të caktuar. <br />Kjo po sjell situatë shpesh herë kaotike në qarkullimin e mjeteve kur dihet se autostrada Tiranë-Durrës mban peshën kryesore të lidhjes së jugut të vendit me kryeqytetin në një kohë kur lëvizja shtohet për shkak të sezonit veror. <br />Për më shumë lexoni në:<br />http://oranews.tv/article/bizneset-ankohen-punimet-ne-autostraden-tirane-durres-te-behen-naten
