Subscribe në Ora News këtu http://bit.ly/1s5j7UT<br />Të gjitha mjetet lundruese që përdoren për transportin e turistëve në lumenj, liqene apo det do ti nënshtrohen verifikimeve për kushtet teknike dhe licencat.<br /><br />Aksioni nisi të enjte nga liqeni i Komanit në Vaun e Dejës ku sipas Drejtorisë së Përgjithshme Detare është konstatuar se mjete artizanale përdoren për transport turistësh duke u rrezikuar kështu jetën.<br /><br />Drejtori i Drejtorisë së Përgjithshme Detare, Paulin Ndreu në një takim me operatorët turistike në Vlorë tha se mjetet që do të kapen në shkelje do të bllokohen!<br /><br />Mjetet lundruese që ushtrojnë veprimtarinë e tyre në ujërat e brendshme duhet të pajisjen me dokumentacionin e nevojshëm për kryerjen e këtij aktiviteti brenda datës 1 korrik.<br /><br />Por veç këtyre masave, udhëzimi i ri i drejtorisë detare parashikon edhe lehtësi për mjetet turistike.<br /><br />Ndryshe nga vitet e shkuara, këtë sezon, deklarimi i udhëtarëve drejt destinacioneve të brendshme do të bëhet pa verifikim në terren.<br /><br />Ndërsa jahtet turistike do të bëjnë njoftim vetëm në portin hyrës dhe në portin e fundit përpara se të largohen nga ujrat e Republikës së Shqipërisë.<br /><br />Lëvizja e këtyre mjeteve lundruese brenda porteve dhe ujrave territorial të RSH për një periudhë 1 mujore do të mjaftohet vetëm me njoftimin e Kapitenerisë së Portit përkatës.<br /> <br />Për më shumë lexoni në: http://oranews.tv/article/trnsport-i-pasigurt-ne-liqenet-e-komanit-vaut-dejes-dhe-shkodres
