Subscribe në Ora News këtu http://bit.ly/1s5j7UT<br />Shkolla ?Ahmet Gashi? në kryeqytet ka hapur dyert si qendër komunitare, për të shërbyer si mjedis për aktivitete të ndryshme sportive gjatë orëve të pasdites ose në fundjavë. Kryetari i Bashkisë së Tiranës, Erion Veliaj, tha se të rinjtë e Laprakës mund të stërviten në mjedise më të mira, duke shfrytëzuar terrenet sportive të shkollave.<br /><br />Veliaj: Sa bie zilja e mësimit, shumica e këtyre terreneve boshatisen. Në një Tiranë me 1 milion banorë, me kaq shumë të rinj, a e kemi luksin që t?i lëmë të pashfrytëzuara? Mezi pres që tani që kemi hapur 62 palestra, të kemi gjithashtu edhe një kampionat mes 62 skuadrave rinore. Në qoftë se i gjithë qyteti i Tiranës përfshihet nga kjo valë sportive, do të kemi një qytet shumë herë më të mirë nga ai që kemi sot.<br /><br />Ai shprehu bindjen se investimet cilësore të bashkisë janë një mundësi më shumë që nga shkollat e kryeqytetit të dalin talente të reja nesër. <br /><br />Veliaj: Ndoshta nga e gjithë Lapraka do spikasim 5-6 talente, por 60 të tjerët, do mësojnë si të jenë qytetarë më të mirë të Tiranës. Për një kryetar bashkie, interesi më i madh është te këta të fundit, jo te sporti elitar, sepse pyetja është: A kemi qytetarë elitarë? E kemi në dorë vetë.<br /><br /> Kryebashkiaku u bëri thirrje prindërve që të regjistrojnë fëmijët e tyre në një nga kurset sportive, në mënyrë që ata të qëndrojnë larg veseve dhe jetës sedentare. <br /><br />Veliaj: Sa më shumë prindër që i sjellin fëmijët të merren me sport, aq më pak fëmijë do të kemi nesër në pikat e basteve, nëpër kafene. Një mënyrë për të shmangur që kjo gjeneratë, të mos ketë fatin e gjeneratave të mëparshme, është t?i sjellim në kurse të tilla.<br /><br />Veliaj vlerësoi edhe stafin e mësuesve dhe të trajnerëve që po përhapin një kulturë të re në kryeqytet, duke sjellë masivizimin e sportit tek të rinjtë.<br /><br />Kjo nismë e Bashkisë së Tiranës që synon të nxisë të rinjtë të angazhohen në ushtrimin e sporteve të ndryshme, si dhe të vërë në dukje fëmijët që mund të kenë talente në sporte të caktuara, u vlerësua si pozitive edhe nga një prej figurave më të shquara të basketbollit shqiptar, kapiteni i kombëtares tonë, Gerti Shima. <br />Për më shumë lexoni në:<br />http://oranews.tv/article/shkolla-ahmet-gashi-hap-dyert-si-qender-komunitare-te-rinjte-e-laprakes
