Subscribe në Ora News këtu http://bit.ly/1s5j7UT<br /><br />Ndryshimet e menjëhershme të temperaturave dhe reshjet e shiut e breshërit që karakterizuan javët e fundit kanë shkaktuar dëme të mëdha në bujqësi në qarkun e Elbasanit.<br /><br />Sipërfaqe të tëra të mbjella me kultura të stinës, dru ftutorë apo sera u përmbytën dhe u dëmtuan.<br /><br />Fermere: "Na janë prishur të gjitha kulturat, misër, duhan, çdo gjë. Vreshtat, ullinjtë i ka hedhur të gjitha në tokë për gjysmë ore. Ne kemi punuar 1 vit dhe për gjysmë orë u shkatërruan."<br /><br />Fshati Letan ishte mes më të prekurve nga stuhitë e pazakonta të breshërit në mes te qershorit.<br /><br />Fermerët thonë se kanë humbur thuajse gjithçka nga prodhimet me të cilat sigurojnë të ardhurat kryesore.<br /><br />Në këto kushte, fermerët kërkojnë evidentim të dëmëve dhe kompensim nga shteti për të minimizuar humbjet.<br /><br />Fermerët flasin për humbje të mëdha, pasi edhe prodhimi i mbetur në ara apo pemë, sipas tyre nuk mund të dalë më në treg, pasi është i dëmtuar.<br /> <br />Për më shumë lexoni në: http://oranews.tv/article/bresheri-demton-prodhimet-bujqesore-ne-elbasan
